ފިލްމީ ތަރި އާލިއާ ބަޓްގެ މަންމަ ސޯނީ ރަޒްދާން 20 އަހަރަށްފަހު އެނބުރި ސިނަމާތަކަށް އަންނަ ގޮތަށް ހަމަޖެހިއްޖެއެވެ. ސޯނީ ވަނީ "ބުނިޔާދް" އަދި "ޖުނޫން" ފަދަ ރީތި ޝޯތަކެއް ބެލުންތެރިންނާ ހަމައަށް ގެނެސްދީފައެވެ. އާލިޔާގެ ބައްޕަ މަހޭޝް ބަޓް އާއި ކައިވެނި ކުރުމުގެ ކުރިން ބައެއް ފިލްމުތަކުގައިވެސް ސޯނީ ފެނިފަިވެއެވެ. އުމުރުން 60 އަހަރުގެ ސޯނީ މީގެ 20 އަހަރު ކުރިން ޓީވީ ސީރީޒްތަކާއި ދުރަށްދިޔައީ އާލިއާ އާއި އޭނާގެ ދައްތަ ޝާހީން ބަޓް ލިބުމުންނެވެ. އެހެން ނަމަވެސް ހިންދީ ފިލްމު ތަކުން ސޯނީ ފެނެއެވެ.
ސޯނީ އެނބުރި ޓީވީ ސީރީޒްތަކަށް އަންނާނީ ސްޓާޕްލަސް އިން ފެށުމަށް ހަމަޖެހިފައިވާ "ކިޔާ ތޫ މެރި ލާގެ" އިންނެވެ. މި ސީރީޒްގައި ސޯނާ ކުޅޭނީ ވަރަށް ޝާހީ މީހެއްގެ ރޯލެކެވެ. މި ސީރީޒްގައި ސޯނީ އަކީ ރާނީއެވެ. ސޯނީގެ އިތުރުން މި ސީރީޒް އިން ދެން އިތުރަށް ފެނިގެންދާނީ ސަންޖީދާ ޝެއިހް، ސަރާ އަފްރީން ހާންއެވެ.
މި އުފާވެރި ހަބަރު ސޯނީ ވަނީ ސޯޝަލް މީޑިއާ މެދުވެރިކޮށް އާންމުންނަށް ދީފައެވެ. މި ސީރީޒްގެ ޫޓިން މިހާރު ކުރިއަށް ގެންދަނީ ރާޖަސްތާނުގައެވެ. ސޯނީ ވަނީ ޝޫޓިންގެ ބައެއް މަންޒަރުތަކާއެކު ސޯޝަލްމީޑިއާ މެދުވެރިކޯށް އާންމު ކޮށްފައެވެ. ސޯނީ އެނބުރި ސިނަމާތަކަށް އައުމަށް އޭނާގެ ދަރި އަދި ފިލްމީ ތަރި އާލިއާ ބަޓް ވަރަށް ބޭނުންވިކަމަށާއި ވަރަށް ހިތްވަރު ދިންކަމަށް ވެއެވެ.
