މިމަހުގެ 13 ވަނަ ދުވަހު ރިލީޒް ކުރާ ވަރުން ދަވަންގެ އޮކްޓޯބަރގެ މަންޒަރެއް ކަމަށްވާ ހައިވޭއިން ބައިސްކަލެއްގައި ދުއްވާފައި ދާންޖެހުމުން ހުރީ ވަރަށް ބިރުން ކަމަށާއި އެހެން ނަމަވެސް އޭނާ އެކަން ކުރީ ޑައިރެކްޓަރ ސޫޖިތު ސިރްކާރު ދެރަނުކުރަން ކަމަށް ވަރުން ދަވަން ބުނެފިއެވެ.
ވަރުން މިހެން ބުނެފައި ވަނީ އޮކްޓޯބަރ ޕްރޮމޯޓު ކުރުމުގެ މަސައްކަތުގެ ތެރެއިން އޭނާ ދީފައިވާ އިންޓަވިއުއެއްގައެވެ. ވަރުން ބުނީ އޭނާ ހައިވޭގައި ބައިސްކަލް ދުއްވީ އަލަށް ކަމަށެވެ.
އޮކްޓޯބަރ ގައި ވަރުން ކުޅެފައިވަނީ ހޮޓެލް މެނޭޖްމެންޓް ކިޔަވާ ކުއްޖެއްގެ ރޯލެވެ. "ހޮސްޕިޓަލިޓީ ފީލްޑް" އަށް އޭނާ ޓްރެއިނިން ހަދާ އޭނާ މީހަކަށް ވުމަށް ކުރާ މަސައްކަތް އޮކްޓޯބަރ އިން ފެނިގެންދެއެވެ.
ވަރުން ބައިސްކަލުގައި ދާ ޝޮޓު ނެގިއިރު މަންޒަރު ދުށް މީހަކު އިންޑިއާގެ ޑެއިލީ ނޫހަށް ދީފައިވާ އިންޓަވިއުއެއްގައި ބުނެފައިވަނީ އެ މަންޒަރު ނަގާފައިވަނީ ދިއްލީގެ ހައިވޭއެއްގައި ކަމަށާއި ޝޫޓިން ކުރިއަށްދިޔަ ވަގުތު ދުއްވާއެއްޗެހި ވަރަށް ގިނަ ގަކަމަށެވެ. ވަރުން ހުރީ ވަރަށް ބިރުން ކަމަށާއި އެ ޝޮޓު ނެގުމަށް ގާތްގަނޑަކަށް ތިންގަޑިއިރު ނެގިކަމަށް އޭނާ ބުންޏެވެ. އަދި އޭނާގެ މޫނުމަތިން ހާސްކަން ފެނުނު ކަމަށް އެމީހާ ވަނީ ޑެއިލީ ނޫހަށް ކިޔާދީފައެވެ.
މި ފިލްމު ޑައިރެކްޓް ކޮށްފައިވަނީ ސުޖިތު ސިރްކާސްއެވެ.
މި ފިލްމުގައި ވަރުންއާއި އެކު ފެނިގެންދާނީ ބިނީތާ ސަންދޫ އެވެ. ބިނީތާ ސަންދޫއަކީ ބޮލީވުޑަށް އަލަށް ތައާރަފް ވާ ތަރިއެކެވެ.
އޮކްޓޯބަރ ގެ ޓްރެއިލާ ނެރުމާއެކު ވަރުން ދަވަންގެ ބައްޕަ އަދި ކުޅަދާނަ ޑައިރެކްޓަރ ޑޭވިޑް ދަވަން ވަނީ ވަރުން އެފިލްމުގައި ކުޅެފައިވާ ރޯލަށް ފަޚުރުވެރިވާކަމަށް ބުނެފައެވެ. އަދި އޭނާ ވަނީ ވަރުން އެފިލްމުގައި ދައްކާފައިވާ މޮޅު ހުނަރަށް އޭނާގެ ފިލްމީ ޖޯންރާ ބަދަލުކުރުމަށް ނިންމާފައިވާ ކަމަށް ހާމަކޮށްފައެވެ.
ޑޭވިޑް ބުނެފައިވަނީ އޭނާއަށް އެޚިޔާލު އައީ އޭނާގެ ދަރި އަދި މަޝްހޫރު ޑައިރެކްޓަރ ވަރުން ދަވަންގެ އެންމެ ފަހު ފިލްމު އޮކްޓޯބަރގައި ވަރުން ދަވަން ދައްކުވައިދީފައިވާ ހުނަރުގެ ސަބަބުން ކަމަށެވެ. އެ ފިލްމުގެ ޓްރެއިލާ ބެލުމަށް ފަހު އަދި ސީރިއަސް ފިލްމެއްގެ މަސައްކަތަށް ޝައުގުވެރިކަން ހުރި ކަމަށް ވަރުން ކައިރީ ބުނެފައިވާނެ ކަމަށާއި ވަރުންގެ ހޮވުންތަކަށް ބަލާ އިރު އޭނާ އަންނަނީ ރިސްކް ނަގަން ކެރޭ އެކްޓަރެއްކަން ސާބިތުކޮށް ދެމުން ކަމަށެވެ. އަދި ވަރުންގެ ހޮވުންތަކަށް އޭނާ ފަޚުރުވެރިވާކަމަށް ޑޭވިޑް ވަނީ ބުނެފައެވެ.
