ސީރިޔާގައި ކެމިކަލް ހަމަލާ ދިން ކަމުގެ ހެކި އެބަހުރި:ފްރާންސްގެ ރައީސް

ސީރިޔާގެ ޣޫތާގެ އަވަށެއް ކަމަށްވާ ދޫމާގައި މިދިޔަ ހޮނިހިރުދުވަހު ދިން ހަމަލާއަކީ ކެމިކަލް ހަތިޔާރު ބޭނުންކޮށްގެން ދިން ހަމަލާއެއްކަމުގެ ހެކި އެބަހުރި ކަމަށް ފްރާންސްގެ ރައީސް އެމަނުއެލް މެކްރޮން ވިދާޅުވެއްޖެއެވެ.

މެކްރޮން ވިދާޅުވީ ސީރިޔާއަށް ހަމަލާދޭނެކަން ނުވަތަ ނޫންކަން ވަގުތުޖެހުމުން ކަނޑައަޅާނެ ކަމަށެވެ.

ކެމިކަލް ހަމަލާއެއް ކަމަށް ބެލެވޭ ހަމަލާގެ ރައްދުގައި މިސައިލް ހަމަލާތަކެއް ސީރިޔާއަށް ދިނުމަށް ހުޅަނގުގެ ގައުމުތަކުން ތައްޔާރުވަމުންދާ ކަމަށްވަނީ ބެލެވިފައެވެ.

ސީރިޔާގެ އެންމެ ގާތް މަދަދުގާރު، ރަޝިއާގެ ސަރުކާރުގެ ތަރުޖަމާނު ޑިމިޓްރީ ޕެސްކޯވް ވަނީ "ނުތަނަވަސްކަން އިތުރަށް ބޮޑުވާނެ ފިޔަވަޅެއް ނޭޅުމަށް"ވަނީ އެދިވަޑައިގެންފައެވެ.

ކެމިކަލް ހަމަލާގެ ރައްދުގައި، ރަޝިޔާގެ އެކުވެރި ސީރިޔާއަށްް ފޮނުވާލާ މިސައިލްތަކަަަށް ރަޝިއާ ތައްޔާރަށް އޮތުމަށް ގޮވާލައި އެމެރިކާގެ ރައީސް ޑޮނަލްޑް ޓްރަމްޕ ބުދަދުވަހު ވަނީ ޓްވީޓްކުރައްވާފައެވެ.

"ތައްޔާރުވޭ ރަޝިއާ، އެ ތަކެތި އެބަ އާދޭ، ރީތިވާނެ، އާވާނެ ސްމާޓްވާނެ," ރައީސް ޓްރަމްޕްގެ ޓްވީޓްގައިވެއެވެ.

އިނގިރޭސިވިލާތުން ދޭނެ ރައްދަކާއިމެދު މަޝްވަރާ ކުރުމަށް ބޮޑުވަޒީރު ތެރީސާމޭ ގެންދަވަނީ ކެބިނެޓް ބައްދަލުވުމަކަށް ތައްޔާރުވެ ވަޑައިގަންނަވަމުންނެވެ.

ބީބީސީގެ ބައެއް މަސްދަރުތަކުން ބުނާ ގޮތުގައި މޭ ގެންދަވަނީ ގާނޫނުހަދާ މަޖިލީހުގެ ރުހުން ހޯއްދެވުމެއް ނެތި ހަމަލާ ދެއްވުމަށް ތައްޔާރުވެ ވަޑައިގަންނަވަމުންނެވެ.