އަނެއްކާވެސް ސައުތު އިންޑިއާގެ ވަރުގަދަ ފިލްމެއް އަންނަނީ

"ބަހްބަލީ2" ގެ ކާމިޔާބީއަށް ފަހު އަނެއްކާ ވެސް ސއުތު އިންޑިއާއިން ވަރުގަދަ ތާރީޚީ ފިލްމެއް ލޯންޗުކޮށްފިއެވެ.

މިހާތަނަށް "ބާހްބަލީ2" އަށް ވަނީ 1500 ކުރޯޑް ރުޕީސްގެ ބޮޑު އާމްދަނީއެއް ލިބިފައެވެ.

"ސަންގަމިތުރާ" ގެ ނަމުން ހަދާ ސައުތު އިންޑިއާގެ މި ފިލްމަކީ 18 ވަނަ ގަރުނުގައި ރަސްކަމެއްގެ ތެރޭގައި ހިނގާ ހާދިސާތަކެއްގެ ތެރެއިން ވަރުގަދަ އަންހެން ޝަހުސިއްޔަތެއްގެ ވާހަކަ ކިޔައިދޭ ފިލްމެކެވެ. އެއީ "ސަންގަމިތުރާ" ނަމަކަށް ކިޔާ މީހެކެވެ.

"ސަންގަމިތުރާ" ގެ ކާސްޓުން ދައްކާލާފައިވަނީ ފްރާންސްގައި މިހާރު ކުރިއަށްދާ 70 ވަނަ ކާންސް ފިލްމް ފެސްޓިވަލްގައެވެ. ފިލްމުގެ ކާސްޓުންގެ ތެރޭގައި ހިމެނެނީ ޖަޔަރާމް ރަވީ އާއި އަރިއާ އެވެ.

އަދި ފިލްމުގެ ޓައިޓްލް ރޯލް މަޝްހޫރު އެކްޓަރު ކަމަލް ހަސަންގެ އަންހެން ފަރިފުޅު ޝްރޫތީ ހަސާން އެވެ.

މި ފިލްމު ޑައިރެކްޓަރަކީ ސުންދަރު ސީއެވެ. މިއަހަރުގެ ޑިސެމްބަރު މަހުގެ ތެރޭގައި ޝޫޓިން ފަށާ "ސަންގަމިތުރާ"ގެ މިއުޒިކް ހަދަނީ އިންޑިއާގެ މަޝްހޫރު މިއުޒިކް ޑައިރެކްޓަރު އޭއާރް ރަހްމާނެވެ.