"ޑިއާ ޒިންދަގީ"އަށް ފަހު އާލިއާ އާއި ޝާހް އަނެއްކާ ވެސް އެއް ފިލްމަކުން
24 އެޕްރީލު 2017 | ހޯމަ 11:57މި ދެތަރިން ފެނިގެން ދަނީ އާނަންދް އެލް ރާއި ޑައިރެކްޓް ކުރަން އުޅޭ އާ ފިލްމަކުން
ޑިއާ ޒިންދަގީގެ ޕޯސްޓަރެއް
އާނަންދް އެލް ރާއި ޑައިރެކްޓްކުރަން އުޅޭ އާ ފިލްމަކުން އާލިއާ އާއި ޝާހުރުކް ޚާން އެކީގައި ފެނިގެންދާ ގޮތަށް ހަމަޖެހިއްޖެއެވެ.
އެ ދެތަރިންގެ ފޭނުން ވަނީ ޝާހް ރުކް ޚާން އާއި އާލިއާ ބަޓް އަދި އާނަންދް އެކުގައި ދުބާއީ އެއާޕޯޓުގައި ތިއްބާ ފޮޓޯ ނަގާ ޓްވީޓް ކޮށްފައެވެ.
އެހެން ނަމަވެސް ދުބާއީގައި އޮންނަ އެވޯޑް ހަފްލާއަކަށް ބޮލީވުޑްގެ ބައެއް ތަރިން މިހާރު ވެސް ދަނީ ހަރަކާތްތެރި ވަމުން ކަމަށް ވުމުން އެދަތުރުގެ ފޮޓޯ ކަމަށް ބެލެވޭ ކަމަށް އިންޑިއާގެ ނޫސްތަކުގައި ބުނެފައި ވެއެވެ.
ޑިއާ ޒިންދަގީގެ ޕްރޮޑިއުސަރުންނަކީ ގޯރީ ޚާން، ކަރަން ޖޯހަރް އަދި ގޯރީ ޝިންޑޭ އެވެ.
ރެޑް ޗިލީ އެންޓަޓެއިންމަންޓް އަދި ދަރުމާ ޕްރޮޑަކްޝަންސް ގުޅިގެން ޕްރޮޑިއުސް ކޮށްފައިވާ މި ފިލްމުގައި އާލިއާ އާއި ޝާޚްގެ އިތުރުން އިރާ ދޫބީ އާއި، ކުނާލް ކަޕޫރާއި، އަލީ ޒަފަރްގެ އިތުރުން އަންގަދް ބޭދީ ވެސް ހަރަކާތްތެރިވެ އެވެ.
އުމުރުން 51 އަހަރުގެ ޝާހުރުކް ޚާން މިހާރު ދަނީ އޮގަސްޓްމަހުގައި ރިލީޒްކުރުމަށް ހަޖެހިފައިވާ އިމްތިޔާޒު އަލީގެ ފިލްމު ގެ މަސައްކަތް ކުރަމުންނެވެ.
