ބީބީއެމް އިން ޝެފުންނަށް މާސްޓަރ ކްލާސްތަކެއް ބާއްވަނީ
7 އެޕްރީލު 2018 | ހޮނިހިރު 17:19މާސްޓަރ ކްލާސް ބޭއްވުމަށް ހަމަޖެހިފައި ވަނީ މިމަހުގެ 19 ވަނަ ދުވަހު
ޝެފް ފަތީން، މާސްޓަރ އޮފް ސީޒަނިން މުބާރާތު ޓްރޮފީއާ އެކު ވެލާނާ އިންޓަރނޭޝަނަލް އެއާޕޯޓްގައި
ބެސްޓް ބައި މޯލްޑިވްސް (ބީބީއެމް) އިން މަޝްހޫރު ދެ މާސްޓާ ޝެފުންނާއެކު ރާއްޖޭގައި މަސައްކަތް ކުރާ ކައްކާއިންނަށް މާސްޓަ ކްލާސްތަކެއް ބާއްވަން ނިންމައިފިއެވެ.
މޯލްޑިވްސް އެގްޒިބިޝަން އެންޑް ކޮންފަރެންސް ސަރވިސަސް (މެކްސް) އާ ގުޅިގެން މާސްޓަރ ކްލާސް ބޭއްވުމަށް ހަމަޖެހިފައި ވަނީ މިމަހުގެ 19 ވަނަ ދުވަހުއެވެ.
ކްލާސްތަކުގައި ކިޔައިވައިދޭނީ ކެއްކުމުގެ ދާއިރާ އިން ދުނިޔޭގައި މަޝްހޫރުކަން ހޯދާފައިވާ ދެ މާހިރުން ކަމަށްވާ ސަން އިންޓަނޭޝަނަލްގެ އެގްޒެކެޓިވް ޝެފް ގެތު ޝެއިނާ އާއި އެރެކް އެންޑް ސްޕައިސްގެ އެގްޒެކެޓިވް ޝެފް ރޮނާލް ޕެރެސެންޓޯއެވެ.
ބީބީއެމް އިން ބުނީ މި ކްލާސްތަކުގައި ބައިވެރިވާން ބޭނުންވާ ފަރާތްތަކަށް ނަންނޯޓް ކުރުމުގެ ފުރުސަތު މިމަހުގެ 15 ވަނަ ދުވަހާ ހަމައަށް ހުޅުވާލާފައިވާ ކަމަށެވެ. އަދި މި ކްލާހާ ބެހޭ އިތުރު މައުލޫމާތު ސާފުކުރުމަށް 7778837 ނަންބަރަށް ގުޅުމަށް ބީބީއެމް އިން ވަނީ އެދިފައެވެ.
ބީބީއެމް އިން ވަނީ ދިވެހި ޝެފުންތަކެއް ބޭރަށް ފޮނުވައިގެން ވެސް ތަމްރީނު ކުރުމުގެ ފުރުސަތު ފަހިކޮށްދީފައެވެ.
މިއީ ބީބީއެމް އިންތިޒާމްކޮށްގެން މިގޮތަށް ބާއްވާ ހަވަނަ މާސްޓަރ ކްލާހެވެ.
