މޯލްޑިވްސް ޓްރެވަލް އެވޯޑްސް ގާލާ އެޑިޝަން ބުރާސްފަތި ދުވަހު ބާއްވަން މަޓާޓޯ އިން ނިންމައިފިއެވެ.

ޖުމްލަ 25 ކެޓަގަރީއަކަށް ބަހާލައިގެން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް އެވޯޑުތައް ދިނުމަށް ވަނީ ނިންމާފައެވެ.

އެވޯޑް ދިނުމުގެ ހަފްލާ ނޮވެމްބަރ މަހުގެ 23 ވަނަ ދުވަހުގެ ރޭ އަދާރަން ސެލެކްޓް ހުދުރަން ފުށި ރިސޯޓުގައި ބޭއްވުމަށް ވަނީ ހަމަޖެހިފައެވެ.

މޯލްޑިވްސް ޓްރެވަލް އެވޯޑްސްގެ ގާލާ އެޑިޝަންގައި ފަތުރުވެރިކަމުގެ އެންމެ ކުރީ ސަފުގައި އުޅޭ ރިސޯޓް، ހޮޓެލް، އެއާލައިން، އަދި ސަފާރީތަކަށް އިނާމުތައް ދޭނެއެވެ.

މޯލްޑިވްސް ޓްރެވަލް އެވޯޑްސްގެ ގާލާ އެޑިޝަން އެވޯޑުތައް ލިބޭ ފަރާތްތައް ހޮވާނީ ފަތުރުވެރިންގެ ރިވިއުތަކާއި، އާންމު ވޯޓަކުންނެވެ.