ކެނެޑާގައި ހިނގި ބަސް އެކްސިޑެންޓެއްގައި 14 މީހުން މަރުވެއްޖެ ކަމަށް އެ ގައުމުގެ މީޑިއާ ތަކުން ރިޕޯޓް ކޮށްފިއެވެ.
މި ހާދިސާގައި އެކްސިޑެންޓްވި ބަހަކީ ކެނެޑާގެ ޖޫނިއަރ ހޮކީ ޓީމް ދަތުރު ކުރި ބަސްކަމަށް ފުލުހުން ބުނެއެވެ .އެކްސިޑެންޓް ހިނގާފައި ވަނީ ރަށްފުށުގެ ސަރަހައްދެއް ކަމަށްވާ ސަސްކެޗުއާންގައި ސެމީ ޓްރެއިލަރއެއްގައި ބަސްޖެހިގެންނެވެ.
ހުކުރު ދުވަހު ހިނގި މިހާދިސާ ހިނގިއިރު ބަހުގައި ތިބީ އުމުރުން 16 އަހަރާއި 21 އަހަރާއި ދެމެދުގެ ކުދިންނެވެ.
ކެނެޑާގެ ބޮޑުވަޒީރު ޖަސްޓިން ޓްރޫޑޯވަނީ މިހާދިސާއާއި ގުޅިގެން ހަމްދަރުދީ ފާޅު ކުރައްވާފައެވެ.
ހުކުރު ދުވަހު ހިނގި ނުރައްކާތެރި އެކްސިޑެންޓް ހަނދާނަށް ގެނުވަނީ 1986 ވަނަ އަހަރުގެ ޑިސެމްބަރު މަހު ހަމަ ސަސްކެޗުއާންގައި ހިނގި ހާދިސާއެވެ. އެ ފަހަރު ވެސްޓަރން ހޮކީ ލީގުގެ ސްވިފްޓް ކަރެންޓް ބްރޮންކޮސްގެ 4 ކުޅުންތެރިއަކު މަރުވެފައިވެއެވެ.
