ފަލަސްތީނާއިއެކު އިސްރާއީލަށް ވެސް އެމީހުންގެ އަމިއްލަ ބިމުގެ ހައްގު އޮންނާނެ: ސައުދީ ވަލީއަހުދު
އިސްރާއީލާއިއެކު އެގައުމަށް އެއްބަސްވެވޭ އެތައްކަމެއް އެބަހުރި:ވަލީއަހުދު
ޔަހޫދީންނާއި މެދު އެއްވެސް ނަފްރަތެއް ނެތް ކަމަށް ވަލީއަހުދު ވިދާޅުވި
ފަލަސްތީނާއިއެކުގައި އިސްރާއީލަށް ވެސް އެމީހުންގެ އަމިއްލަ ބިމަށް ހައްގު އޮންނާނެ ކަމަށް ސައުދީ އަރަބިއްޔާގެ ވަލީއަހުދު މުހައްމަދު ބިން ސަލްމާން އިއުލާނު ކުރައްވައިފިއެވެ.
އެމެރިކާގެ މަޖައްލާއެއް ކަމަށްވާ "ދި އެޓްލާންޓިކް މެގަޒިން"ގައި އުމުރުން 32 އަހަރުގެ މުހައްމަދު ވިދާޅުވީ" އަޅުގަނޑު ގަބޫލުކުރާ ގޮތުގައި ކޮންމެ ބަޔަކަށް ވެސް އެ ބަޔަކަށް ލިބިފައިވާ ގައުމެއްގައި ހަމަޖެހިގެން އުޅުމުގެ ހައްގު އޮންނަންވާނެ" ކަމަށެވެ.
ވަލީއަހުދު ސަލްމާން ވިދާޅުވީ އިސްރާއީލާއިއެކު އެގައުމަށް އެއްބަސްވެވޭ އެތައްކަމެއް އެބަހުރި ކަމަށެވެ.
އިސްރާއީލަކީ އެގައުމުގެ ސައިޒާ އަޅާބަލާއިރު ބޮޑު އިގްތިސާދެއް، އަނެއްކާ އިގްތިސާދު ދަނީ ކުރިއަރަމުން ޝައްކެއްވެސްނެތް އެބަހުރި އިސްރާއީލާއިއެކު އެއްބަސްވާ އެތައްކަމެއް. އަދި ސުލްހަ އޮތް ނަމަ އިސްރާއީލާއިއެކު މިސްރާއި އުރުދުން ފަދަ ގަލްފް ކޯޕަރޭޝަން ކައުންސިލްގެ ގައުމުތަކުން ގުޅުން އޮތީސް"
މީގެ އިތުރުން މުހައްމަދު ބިން ސަލްމާން(އެމްބީއެސް) ވިދާޅުވީ " ގުދުސްގައި ހުރި މުސްލިމުންގެ މުގައްދަސް މިސްކިތާއި އަދި ފަލަސްތީނުގެ ރައްޔިތުންގެ ހައްގުތަކާއިމެދު ކަންބޮޑުވުން އެބަ އޮތް ކަމަށާއި އެކަމާމެދު ދެބަސްވުމެއް ނެތް"ކަމަށެވެ.
" އަޅުގަނޑު ގަބޫލު ކުރާގޮތުގައި ފަލަސްތީނުގެ ރައްޔިތުންނަށް ވެސް އަދި އިސްރާއީލުގެ ރައްޔިތުންނަށް ވެސް އެމީހުންގެ އަމިއްލަ ބިމެއް އޮތުމުގެ ހައްގު އޮންނާނެ. އެކަމަކު އަޅުގަނޑުމެންނަށް އެބަޖެހޭ ހުރިހާ ފަރާތަކަށް ވެސް ހަމަޖެހުން އޮތްކަން ކަށަވަރުކޮށް އަދި ޢާއްމު ގުޅުން އޮތުމަށްޓަކައި ސުލްހައިގެ އެއްބަސްވުމެއް ހެދެން"
ސައުދީ އަރަބިއްޔާއާއި އިސްރާއީލާއި ދެމެދު ރަސްމީކޮށް ޚާރިޖީ ގުޅުން ގާއިމްވެފައެއް ނުވެއެވެ.
