ކ. މާލެ
|
17 އޯގަސްޓް 2017 | ބުރާސްފަތި 00:18
އިރާޤް ސިފައިން ސެކިއުރިޓީ ބެލެހެއްޓުމުގައި ހަރަކާތްތެރިވަނީ
އިރާޤް ސިފައިން ސެކިއުރިޓީ ބެލެހެއްޓުމުގައި ހަރަކާތްތެރިވަނީ
އޭއެފްޕީ
އައިސިސް
އަމިއްލައަށް މަރުވެގެން ދިން ބޮމުގެ ހަމަލާއެއްގައި އިރާގުގެ 7 ސިފައިން މަރާލައިފި
 
ހަމަލާ ދިން 5 މީހުންވެސް ވަނީ މަރުވެފައި
 
އިތުރު 6 މީހަކު ވަނީ ޒަޚަމްވެފައި

އަމިއްލައަށް މަރުވެގެން އައިސިސްއިން ދިން ބޮމުގެ ހަމަލާއެއްގައި އިރާގް ސަލާމަތީ ފައުޖުގައި ހިމެނޭ 7 ސިފައިންގެ މީހުން މަރާލައިފިއެވެ.

އިރާގްގެ އިންޓީރިއަރ މިނިސްޓަރ އަދި އެޤައުމުގެ އޮފިޝަލުން ވިދާޅުވި ގޮތުގައި ބުދަދުވަހު ދިން މިހަމަލާ އަމާޒްކޮށްފައިވަނީ ބަޣްދާދުގެ އުތުރުގައި އޮންނަ ބެއިޖީގެ އިރާގުގެ ޕޮލިސް އަދި އަރމީ ބޭސްއަކަށެވެ.

"ގޮވާތަކެތި ހިމެނޭ ބެލްޓެއް އަޅައިގެން ފަސްމީހަކު އަމިއްލައަށް މަރުވެގެންދިން މިހަމަލާ އަމާޒު ކޮށްފައިވަނީ އަލް މަސާފީ އަވަށަށް" އެސަރަހައްދުގެ މޭޔަރ މުހައްމަދު މަހަމޫދު އޭއެފްޕީއަށް ވިދާޅުވިއެވެ.

ސިފައިންގެ ފައުޖުގައި ހިމެނޭ 7 މީހުން މަރުވެ 6 މީހުން ޒަޚަމްވެފައިވާ ކަމަށް ވެސް އޮފިޝަލުން ފާހަގަ ކުރިއެވެ.

އަދި އިންޓީރިއަރ މިނިސްޓަރގެ ތަރުޖަމާން ބްރިގޭޑިއަރ ޖެނެރަލް ސާދް މާން ކަށަވަރު ކޮށްދިން ގޮތުގައި އަމިއްލަ ޖާނު ގޮއްވާލައިގެން ހަމަލާދިން 5 މީހުން ވެސް ވަނީ މަރުވެފައެވެ.

އިރާގުގެ ވެރިރަށާ 120 މޭލު ދުރުގައި އޮންނަ ބެއިޖި އައިސިްސގެ ބެލުމުގެ ދަށަށް ގެންދިޔައީ 2014 ވަނަ އަހަރުގެ ޖޫން މަހުގެ ތެރޭގައެވެ. އެރަށަކީ އައިސިސްއާ އެޤައުމުގެ ސިފައިންނާ އެންމެބޮޑަށް ކުރިމަތިލުން ހިނގާ  އެއްރަށެވެ.  

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް