އެމެރިކާގެ ގާނޫނުހަދާ މަޖިލީހުގެ މެމްބަރު ރޭންޑް ޕައުލް އަމިއްލަ ގޭގައި ހުންނަވަނިކޮށް ހަމަލާއެއްދީފި
5 ނޮވެމްބަރު 2017 | އާދީއްތަ 04:30ލޮލުގެ ޑޮކްޓަރެއްކަމަށްވާ ޕައުލް އަކީ ސެނޭޓްގައި ކެންޓަކީ ތަމްސީލް ކުރައްވާ މެމްބަރު
ލޮލުގެ ޑޮކްޓަރެއްކަމަށްވާ ޕައުލް އަކީ ސެނޭޓްގައި ކެންޓަކީ ތަމްސީލް ކުރައްވާ މެމްބަރު
އެމެރިކާގެ ގާނޫނުހަދާ މަޖިލީހުގެ މެމްބަރު ރޭންޑް ޕައުލް ކެންޓަކީގެ ބޯލިންގ ގްރީންގައި ހުންނަ އޭނާގެ އަމިއްލަ ގޭގައި ހުންނަވަނިކޮށް ޒަޚަމް ކޮށްލައިފިކަމަށް ފުލުހުންނާއި އޭނާގެ އޮފީހުން ބުނެފިއެވެ.
ރިޕަބްލިކަން މެމްބަރު ޕައުލް ހުކުރު ދުވަހު މި ހަމަލާދިނީ ނޭނގި ހުއްޓައި ކަމަށް އޭނާގެ ތަރުޖަމާނާ ހަވާލާދީ އެމެރިކާގެ މީޑިއާތަކުގައި ބުނެފައިވެއެވެ.
ހަމަލާދިން ކަމަށް ތުހުމަތު ކުރެވޭ މީހާ ހައްޔަރު ކުރެވިފައިވާއިރު "ސެނެޓަރ ޕައުލްގެ ހާލު ރަނގަޅު"ކަމަށް ކެލްސީ ކޫޕަރ އާ ހަވާލާދީ ހިލް ނިއުސް ވެބްސައިޓްގައި ވެއެވެ.
ފުލުހުން ބުނީ އުމުރުން 59 އަހަރުގެ ރެނީ ބޫޗަރގެ މައްޗަށް މީހަކަށް ހަމަލާދިނުމުގެ ކުށުގައި ދައުވާ ކުރެވިފައިވާ ކަމަށެވެ.
ޕައުލް އަކީ ރިޕަބްލިކަން ޕާޓީގައި ލިބަޓޭރިއަން ވިންގް ތަމްސީލް ކުރައްވާ ބޭފުޅެކެވެ. އޭނާ ވަނީ 2016 ވަނަ އަހަރުގެ ރިޔާސީ އިންތިޚާބުގައި ވާދަ ކުރެއްވުމަށް ޕާޓީ ނޮމިނޭޝަނަށް ކުރިމަތި ލައްވާފައެވެ. ރޭހުން ވަކިވެ ވަޑައިގަތީ އައޯވާ ކޯކަސްގައި ފަސްވަނައަށް ވަޑައިގަތުމުންނެވެ.
ލޮލުގެ ޑޮކްޓަރެއް ކަމަށްވާ ޕައުލް އަކީ ސެނޭޓްގައި ކެންޓަކީ ތަމްސީލް ކުރައްވާ މެމްބަރެވެ. އޭނާގެ ބައްޕާފުޅު ރޮން ޕައުލްއަކީ ކޮންގްރެސްގައި މަސައްކަތް ކުރައްވާފައިވާ އަދި ރިޔާސީ ރޭހަށް އެތައް ފަހަރަކު ވާދަ ކުރައްވާފައިވާ ބޭފުޅެކެވެ.
