ޓައިނީ ހާޓްސް އޮފް މޯލްޑިވްސް އާއި ޔުނިވަރސަލް ފައުންޑޭޝަނާއި ގުޅިގެން މަސައްކަތް ކުރުމަށް ހާއްސަ އެއްބަސްވުމެއްގައި ސޮއި ކޮށްފިއެވެ. މި އެއްވަސްވުމުގެ ދަށުން މިޖަމިއްޔާގެ ދެ ޕްރޮގްރާމަކަށް ޔުނިވަރސަލް އިން އެހީތެރިވުމަށް ހަމަޖެހިފައިވާކަމަށް ޓައިނީ ހާޓްސްއިން ބުނެއެވެ.
އެއީ ކެއަރ ފޯ ޓައިނީ ހާޓްސް ޕްރޮގްރާމާއި ކުޑަކުދިންނަށް އަމާޒުކޮށްގެން އެކުލަވާލުމަށް ތައްޔާރުވަމުންދާ ފޮތެއްގެ މަޝްރޫއުއެވެ. ކެއަރ ފޯ ޓައިނީ ހާޓްސް ޕްރޮގްރާމަކީ އުފެދުމުގައި ހިތުގައި އުނިކަން ހުންނަ ބަލިތަކަށް ފަރުވާ ހޯދަމުންދާ ކުޑަކުދިންނަށާއި މީހުން ހިލޭ ޑޮކްޓަރަށް ދެއްކުމުގެ ކޭމްޕްއެކެވެ.
މިއީ ޔުނިވަރސަލް ފައުންޑޭޝަންއިން ޓައިނީ ހާޓްސްގެ މަސައްކަތްތަކުގައި ބައިވެރިވާ ދެ ވަނަ ފަހަރެވެ.
