ބްރޯޑްކޮމްގެ މެމްބަރުކަމަށް ޗެނަލް13ގެ އަމްޖަދު އައްޔަން ކުރެއްވުމަށް ފަހު، އެކޮމިޝަންގެ ނާއިބު ރައީސްކަމަށް ޞަފްވާން!
15 މާރިޗު 2018 | ބުރާސްފަތި 12:17އަމްޖަދުގެ ނަން މަޖިލީހަށް ހުށަހެޅުއްވީ އިއްޔެ ޖަލްސާގައި
މޯލްޑިވްސް ބޮރޯޑްކާސްޓިންގ ކޮމިޝަންގެ މެމްބަރުން
ބްރޯޑްކާސްޓްކުރުމުގެ ގާނޫނުގެ ދަށުން އުފައްދާފައިވާ މޯލްޑިވްސް ބްރޯޑްކާސްޓިންގ ކޮމިޝަން (ބްރޯޑްކޮމް)ގެ މެމްބަރުކަމަށް ޗެނަލް13ގެ ނިއުސްހެޑް އަމްޖަދު ވަހީދު، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްގައްޔޫމް އައްޔަން ކުރައްވައިފިއެވެ.
ސަރުކާރު ޕްރޮމޯޓް ކުރާ ޗެނަލް13ގެ ނިއުސްހެޑް އަމްޖަދު އެކޮމިޝަނުގެ މެމްބަރު ކަމަށް އައްޔަން ކުރެއްވީ ބުރާސްފަތި ދުވަހުއެވެ.
ފަސް އަހަރުގެ ދައުރަކަށް އަލަށް ކޮމިޝަންގެ މެމްބަރު ކަމަށް އަމްޖަދު އައްޔަނުކުރެއްވީ، ކޮމިޝަންގެ މެމްބަރު އަދި އެ ކޮމިޝަނުގެ ނާއިބު ރައީސްކަމުގެ މަގާމުގައި ހުންނެވި މުހައްމަދު އަސްލަމްގެ މަގާމުގެ މުއްދަތު ހަމަވުމާ ގުޅިގެންނެވެ. ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީގެ ދިރާސާ އިން 76.6 މާކްސް ހޯއްދަވައި، ރުހުން ދިނުމަށް ބޭއްވި ރައްޔިތުންގެ މަޖިލީހުގެ ޖަލްސާގައި، 36 މެމްބަރުންގެ އިއްތިފާގުން އަމްޖަދަށް ރުހުން ދިނުމަށް ފާސްކޮށްފައި ވަނީ ބުދަ ދުވަހުއެވެ.
ބުރާސްފަތި ދުވަހު ބްރޯޑްކޮމް އިން ވަނީ އެ ކޮމިޝަންގެ ނާއިބު ރައީސްގެ މަގާމަށް ކޮމިޝަންގެ މެމްބަރު އިސްމާއީލް ޞަފްވާން އައްޔަން ކުރައްވާފައެވެ.
