އެމްއެންޑީއެފްގެ އިންފޮމޭޝަން އޮފިސަރުގެ މަޤާމަށް އާ ބޭފުޅަކު އައްޔަންކުރައްވައިފި
27 އެޕްރީލު 2017 | ބުރާސްފަތި 16:35އިބްރާހީމް ޢާޒިމްއާ މަޤާމް ހަވާލުކޮށްފައިވަނީ ބުރާސްފަތި ދުވަހު
ރިޒްނާ ޒަރީރު | 27 އެޕްރީލު 2017 | ބުރާސްފަތި 16:35
ކެޕްޓަން އިބްރާހީމް ޢާޒިމް
އެމްއެންޑީއެފްގެ އިންފޮމޭޝަން އޮފިސަރުގެ މަޤާމަށް އާ އޮފިސަރަކު އައްޔަންކުރައްވައިފިއެވެ.
ބަންޑާރަކޮށީގައި މިއަދު ބޭއްވި ޚާއްޞަ ރަސްމިއްޔާތެއްގައި އެމްއެންޑީއެފްގެ އިންފޮމޭޝަން އޮފިސަރުގެ މަޤާމަށް ހަމަޖައްސަވާފައި ވަނީ ކެޕްޓަން އިބްރާހީމް ޢާޒިމްއެވެ.
މި ރަސްމިއްޔާތުގައި މަޤާމު ހަވާލުކުރި ކަމުގެ ލިޔުން ކެޕްޓަން އިބްރާހީމް ޢާޒިމްއާ ހަވާލުކޮށްދެއްވީ ޗީފް އޮފް ޑިފެންސް ފޯސް މޭޖަރ ޖެނެރަލް އަޙްމަދު ޝިޔާމްއެވެ.
މީގެ ކުރިން އެމަޤާމުގައި ހުންނެވީ މޭޖަރ އަދުނާން މުޙައްމަދެވެ. އެހެން ނަމަވެސް އަދުދާން މަޤާމަށް ބަދަލުތަކެއް އައި ކަމެއް ސާފެއް ނުވެ އެވެ.
މިކަމާ ގުޅިގެން ރާއްޖެއެމްވީއިން އަދުދާނަށް ގުޅުމުން ފޯނަށް ޖަވާބުދެއްވާފައެއް ނުވެއެވެ.
