ގާނޫނާއި ޚިލާފުވީ ބިލް އިއްޔެ ފާސްކުރި މެމްބަރުންތައް: މާރިޔާ
އެންޓި ޑިފެކްޝަންގެ ބިލް ފާސްކޮށްފައިވަނީ މިހާރު ގޮނޑި ގެއްލިފައިވާ ކަމަށް، ރައީސް ޔާމީން ގަބޫލުކުރައްވާ 12 މެމްބަރުންގެ ގޮނޑި ގެއްލިގެންދާ ގޮތަށް
ރައްޔިތުންގެ މަޖިލީހުގެ މައްޗަންގޮޅީ އުތުރު ދާއިރާގެ މެންބަރު މާރިޔާ އަހުމަދު ދީދީ
ގާނޫނާއި ޚިލާފުވީ އަންގާރަ ދުވަހު ބިލްތައް ފާސްކުރެއްވި މެމްބަރުން ކަމަށް ރައްޔިތުންގެ މަޖިލީހުގެ މައްޗަންގޮޅީ އުތުރު ދާއިރާގެ މެންބަރު މާރިޔާ އަހުމަދު ދީދީ ވިދާޅުވެއްޖެއެވެ.
މާރިޔާ ކުރެއްވި ޓްވީޓެއްގައި ވިދާޅުވީ ރައީސް ޔާމީން މަޖިލީހަށް ހުށައެޅުއްވި 12 މެމްބަރުންގެ ގޮނޑި ގެއްލުވާލާ ބިލާއި ފަނޑިޔާރުންގެ ގާނޫނުގެ އިސްލާހު ގެނައުމުގެ ބިލް ފާސްކުރީ ރައީސް ޔާމީން ދެކެ ބިރުން ކަމަށް ބުނެ ކަމަވެ. އަދި އެ ބިލް ފާސްކުރި ޕީޕީއެމް އެމްޑީއޭ މަޖިލިސް މެމްބަރުން ކޮމެޓީއިން ތެޅިގެންފައި ކަމަށާއި އެހާ އަވަހަށް ތެޅިގެން ފާސްކުރުމުން ވެސް ރައީސް ޔާމީން އެ ބިލް ތަސްދީގު ނުކުރެއްވި ކަމަށެވެ. އެހެންކަމުން ގާނޫނާ ޚިލާފު ވީ އެ މެމްބަރުންނެއް ނޫންތޯ ކަމަށް ވިދާޅުވެ މާރިޔާ ވަނީ ސުވާލު ކުރައްވާފައެވެ.
ފަނޑިޔާރުންގެ ގާނޫނަށް އިސްލާހު ގެނައުމުގެ ބިލްގައި ވަނީ ފަނޑިޔާރެއްގެ މައްޗަށް ޖިނާއީ ކުށެއް ސާބިތުވެ، އެ މައްސަލައެއްގެ އިސްތިއުނާފުގެ މަރުހަލާތައް ނިމޭ ހިސާބުން އެ ފަނޑިޔާރަކު މަގާމުން ވަކިވާނެ ކަމަށެވެ.
އެންޓި ޑިފެކްޝަންގެ ބިލް ފާސްކޮށްފައިވަނީ މިހާރު ގޮނޑި ގެއްލިފައިވާ ކަމަށް، ރައީސް ޔާމީން ގަބޫލުކުރައްވާ 12 މެމްބަރުންގެ ގޮނޑި ގެއްލިގެންދާ ގޮތަށެވެ. ރައްޔިތުންގެ މަޖިލީހުން އަންގާރަ ދުވަހު ފާސްކުރި އެންޓި ޑިފެކްޝަން ޤާނޫނުގެ ބިލާއި ފަންޑިޔާރުންގެ ޤާނޫނަށް އިސްލާހް ގެނައުމުގެ ބިލް ބާތިލް ކުރުމަށް ގުޅިފައިވާ ޕާޓީތަކުން ސުޕްރީމް ކޯޓަށް ވެސް ވަނީ ހުށައަޅާފައެވެ.
