އިއްޒުއްދީން މަގު އޭޕްރީލް މަހުގައި ހުޅުވާނީ
10 މާރިޗު 2018 | ހޮނިހިރު 13:18އިއްޒުއްދީން މަގުގެ ބައެއް ސަރަހައްދުތައް ބަންދުކޮށް މަސައްކަތް ފަށާފައި ވަނީ މިދިޔަ އަހަރުގެ ފަހުކޮޅު
އިއްޒުއްދީން މަގުގެ މަސައްކަތް ކުރިއަށް ދަނީ
އިއްޒުއްދީން މަގު، ފުޅާކޮށް އެ މަގުގައި ތާރު އެޅުމަށް ފަހު އޭޕްރީލް މަހު ހުޅުވަން ނިންމައިފިއެވެ.
ތާރުއެޅުމުގެ މަސައްކަތް މިހާރު ވެސް ކުރިއަށްދާ އިއްޒުންދީން މަގުގެ މަސައްކަތްތަކާއި ގުޅޭ ގޮތުން ހައުސިންގ މިނިސްޓަރ ޑރ. މުހައްމަދު މުއިއްޒު ހޮނިހިރު ދުވަހު ކުރެއްވި ޓްވީޓެއްގައި ވިދާޅުވީ އިއްޒުއްދީން މަގާއި އަމީނީ މަގު ގުޅުނު ހިސާބުން ފެށިގެން އިންޑަސްޓްރިއަލް ވިލެޖާއި ހަމައަށް މަގު ފުޅާކޮށް ތާރު އެޅުމުގެ މަސައްކަތް އަންނަ މަހު އެއްކޮށް ނިންމާލައި އެ މަގު ހުޅުވާލެވޭނެ ކަމަށެވެ.
މީގެ އިތުރުން މިނިސްޓަރ މުއިއްޒު ވަނީ އިންޑަސްޓްރިއަލް ވިލެޖާއި މާލެ ހުޅުލެ ގުޅުވާ ބްރިޖާއި ގުޅިފައިވާ މަގުތަކުގައި ތާރު އެޅުމުގެ މަސައްކަތް ކުރިއަށް އޮތް އެއް މަސް ދުވަހުގެ ތެރޭގައި ފަށާނެ ކަން ހާމަކުރައްވާފައެވެ.
އިއްޒުއްދީންމަގުގެ ބައެއް ސަރަހައްދުތަށް ބަންދުކޮށް އެމަގުގައި ތާރުއެޅުމުގެ މަސައްކަތް ފަށާފައި ވަނީ މިދިޔަ އަހަރުގެ ފަހުކޮޅުގައެވެ. އެ މަގާ އިންވެގެން ހާބަރު ސަރަހައްދުގައި ހަދާ ފުޑްކޯޓުތައް ވެސް ރޯދަމަހުގެ ކުރިން ހުޅުވުމަށް ދަނީ މަސައްކަތް ކުރަމުންނެވެ.
