ހެޔޮ އަގުގައި އަންހެން ވެރިންނަށް ޕެޑް ފޯރުކޮށްދިނުމުގެ މަގްސަދުގައި ޕެޑް ހަދާ މެޝިނެއް އުފެއްދި އަރޫނާޗަލަމް މުރުގަނަންތަމްގެ ހަޔާތުގެ މައްޗަށް އުފައްދާފައިވާ ޕެޑްމޭންއަށް އަށް ދުވަހުން 64 ކުރޯޑް ރުޕީސް ލިބިއްޖެއެވެ.
އަކްޝޭ އާއި ރާދިކާ އަޕްޓޭ އަދި ސޯނަމް ކަޕޫރު މުހިންމު ރޯލުތަކުން ފެނިގެންދާ ޕެޑްމޭން ސިނަމާތަކަށް އައިސްފައިވަނީ މިމަހުގެ 9 ވަނަ ދުވަހުގައެވެ.
"ޕެޑްމޭން" ގައި އަރޫނާޗަލަމް މުރުގަނަންތަމްގެ ރޯލު ކުޅެފައި ވަނީ އަކްޝޭ ކުމާރެވެ.
މި ފިލްމަކީ ގޯރީ ޝިންޑޭއާ އެކު އަކްޝޭގެ އަންހެނުން ޓްވިންކަލް ކަންނާ ޕްރޮޑަކްޝަން އިން އުފައްދާ ފިލްމެކެވެ. މި ފިލްމު ޑައިރެކްޓް ކޮށްފައި ވަނީ އާރު ބަލްކީއެވެ. "ޕެޑްމޭން" އަކީ ބަލްކީގެ ފިލްމެއްގައި އަކްޝޭ މަސައްކަތް ކުރާ ފުރަތަމަ ފަހަރެވެ. ފުރަތަމަ ދުވަހު މިފިލްމު ވަނީ 10 ކްރޯޑު (100 މިލިއަން ރުޕީސް) ހޯދާފަ އެވެ. ޕެޑްމޭން އުފައްދާފައިވަނީ 20 ކުރޯޑް އިންޑިއަން ރުޕީސްގެ ބަޖެޓަކުންނެވެ.
