އަހަރެންގެ ބޭންކް ކެމްޕެއިން މި އަހަރު ތަފާތު ގޮތަކަށް ފަށައިފި
"އަހަރެންގެ ބޭންކް" ކެމްޕެއިން ބީއެމްއެލް އިން ފަށާފައި ވަނީ މިދިޔަ އަހަރު
ކެމްޕޭން ހަރަކާތުގެ ތެރެއިން
މި އަހަރުގެ "އަހަރެންގެ ބޭންކް" ކެމްޕެއިން ބޭންކް އޮފް މޯލްޑިވްސް އިން ފަށައިފިއެވެ.
މި ކެމްޕެއިން ފެށުމުގެ ހަރަކާތްތައް ބާއްވާފައި ވަނީ ބުރާސްފަތި ދުވަހު ބީއެމްއެލް ހެޑް އޮފީސް ކުރިމަތީގައެވެ. އަދި ކޭމްޕެއިން ފެށުމަށް ބީއެމްއެލް އިން މޯލްޑިވްސް ޕޮލިސް ސާރވިސްއާ ގުޅިގެން ވަނީ ރެޕްލް ކުރުމުގެ ހަރަކާތެއް ކުރިއަށް ގެންގޮސްފައެވެ.
ދިވެހި މުޖުތަމައަށް އެހީތެރިވުމަށްޓަކައި ކުރިޔަށްގެންދާނެ ގިނަ ހަރަކާތްތަކަކާ އެކު ދިވެހިންނާއި ދިވެހި މުޖުތަމައުތަކާ އޮތް ގުޅުން ބަދަހި ކުރުމަށް "އަހަރެންގެ ބޭންކް"ގެ ނަމުގައި މުޅި ރާއްޖެއަށް އަމާޒުކުރި ޕްރޮގްރާމް ބީއެމްއެލް އިން ފަށާފައި ވަނީ މިދިޔަ އަހަރުގެ ޖެނުއަރީ މަހުއެވެ.
"އަހަރެންގެ ބޭންކް" ޕްރޮގްރާމުގެ ދަށުން ދެމެހެއްޓެނެވި މަޝްރޫއު ހިންގުމަށް މިދިޔަ އަހަރު ވެސް ކުރިއަށްގެންދިޔަ ހަރަކާތްތައް މި އަހަރު ވެސް ކުރިއަށްގެންދަން ނިންމާފައިވާ ކަމަށް ވެސް އެ ބޭންކުން ބުންޏެވެ.
