ކޮލަމްބިއާގެ ފުލުހުންގެ މަރުކަޒަކަށް ހަމަލާދީ ފަސް މީހުން މަރާލައިފި
28 ޖެނުއަރީ 2018 | އާދީއްތަ 04:24މަރުވެފައިވަނީ ފަސް ފުލުހުން
ބޮން ގޮއްވާލާފައިވަނީ އޮފިސަރުން ހެނދުނުގެ ބްރީފިންގއަށް އެއްވެފައިވަނިކޮށް
ކޮލަމްބިއާގެ ފުލުހުންގެ މަރުކަޒަކަށް ދިން ހަމަލާއެއްގައި މަދުވެގެން ފަސް ފުލުހުން މަރުވެ އެތައް ބަޔަކު ޒަޚަމްވެއްޖެއެވެ.
ކޮލަމްބިއާގެ ސިޓީއެއް ކަމަށްވާ ބަރަންކީޖާގެ ފުލުހުންގެ މަރުކަޒުގެ ބޭރުގައި ބޮން ގޮއްވާލާފައި ވަނީ އޮފިސަރުން ހެނދުނުގެ ބްރީފިންގއަށް އެއްވެފައިވަނިކޮށެވެ.
އޮފިޝަލުން ވިދާޅުވީ އެ ހަމަލާ ބޮޑަށް ގާތީ މަސްތުވާތަކެތި ޓްރެފިކް ކުރުމާއި ރޭވިގެން ހިންގާ ޖަރީމާތަކާއި ދެކޮޅަށް ފުލުހުން ކުރާ މަސައްކަތުގެ ބަދަލުހިފުމެއްގެ ގޮތުގައި ކަމަށެވެ.
ފުލުހުން ވަނީ ހަމަލާދިން ބައެއްގެ މައުލޫމާތުދޭ ފަރާތަކަށް 50 މިލިއަން ޕޭޒޯސް (12،700 ޕައުންޑް) ދިނުމަށް ހުށަހަޅާފައެވެ.
ބެލޭވޭގޮތުގައި ބޮމް ގޮއްވާލާފައިވަނީ ރިމޯޓަކުން ކަމަށްވާއިރު ބޮންވަނީ ކުރިން ހަރުކޮށްފައެވެ.
ކޮލަމްބިއާގެ އެޓަރނީ ޖެނެރަލްގެ އޮފީހުން ބުނެފައިވާގޮތުގައި ހަމަލާގައި ބައިވެރިވިކަމުގެ ތުހުމަތުގައި 31 އަހަރުގެ މީހެއް ވަނީ ހައްޔަރުކޮށްފައެވެ.
ކޮލަމްބިއާގެ ނޫހެއްގައިވާގޮތުގައި ހައްޔަރު ކުރެވުނު މީހާ ފެނިފައިވަނީ ފުލުހުންގެ މަރުކަޒުގެ ކައިރީ އެ ތަނުގެ ޕްލޭނަކާއި ރޭޑިއޯ އިކްއިޕްމަންޓްތަކެއް ހިފައިގެން އުޅެނިކޮށެވެ.
