ކަރީނާގެ ހަށިގަނޑު ކުރީގެ ޝޭޕަށް

ބޮލީވުޑްގެ ތަރި ކަރީނާ ކަޕޫރަށް އޭނާގެ އަލަތު ދަރިފުޅު ތައިމޫރު ލިބިފައި ވަނީ 2016 ވަނަ އަހަރުގެ ޑިސެމްބަރު މަހުގައެވެ.

އޭނާއަށް ތައިމޫރު ލިބުނު ފަހުން ގައިގައި ޖަހާފައިވާ މަސްތަކާއި ބަރުދަން ލުއިކުރުމަށް މަސައްކަތް ކުރަމުންދާތާ ދުވަސްތަކެއްވަނީ ވެފައެވެ. ޚާއްސަކޮށް އޭނާ ވިހެއުމަށް ފަހު އެނބުރި އަންނަ ފިލްމު "ވީރޭ ދި ވެޑިން" ގެ ޝޫޓިންއަށް ކަރީނާ ހިކުމަށް ކުރި މަސައްކަތް އެތައް ގުނައަކަށް އިތުރު ކުރިއެވެ. އެގޮތުން ތައިމޫރަށް އެއް މަސްވުމާ އެކު ކަރީނާ ވަނީ ހިކުމަށް ޖިމްއަކަށް ދާން ފަށާފައެވެ. ކަރީނާގެ ޖިމް ޕާޓްނަރަކީ އަމްރިތާ އަރޯރާއެވެ. އައިސްފައިވާ ކަރީނާ ޖިމް އަށް ކޮންމެ ދުވަހަކު ވެސް ދާކަމަށްވެއެވެ. ކަރީނާގެ މި ޑައިޓް ސޯޝަލް މީޑިއާ އާއި މީޑިއާތައް ދަނީ ވަރަށް ކައިރިން ބަލަމުންނެވެ.

ކަރީނާ އެންމެ ފަހުން ފެނިފައިވާ މީހުން ބުނެފައި ވަނީ އޭނާ ވިހެއުމުގެ ކުރިން ހުރި ހަށިގަނޑަށް އަނބުރާ ރުޖޫއަ ވެއްޖެ ކަމަށެވެ.

ކަރީނާ މީގެ ކުރިން ބުނެފައިވަނީ އޭނާ ބަލިވެ އިން އިރު ވަރަށް ރަނގަޅަށް ކެއުމަށް ސަމާލުކަން ދިން ކަމަށެވެ. އަދި ތައިމޫރު ލިބު މަހެއްހާ ދުވަސްފަހުން އޭނާ ހަށިގަނޑުގައި ޖަހާފައި ހުރި މަސްތައް ވިރުވުމަށް މަސައްކަތް ފެށިކަމަށާއި ދުވުމާއި ކަސްރަތުކުރުމާއި ޔޯގާ ޖައްސަން ފެށިކަމަށް ކަރީނާ ވަނީ ބުނެފައެވެ.