ރާއްޖެއިން ބޭރުން ކެންސަރަށް ފަރުވާ ކުރުމަށް އާސަންދައިގެ ހިދުމަތް ދިނުން ހުއްޓާލައިފި
13 ޖެނުއަރީ 2018 | ހޮނިހިރު 17:10ރާއްޖެ އިން ބޭރުން ކެންސަރަށް ބޭސްކުރުމަށް އާސަންދަ ދިނުން ހުއްޓާލީ އޮކްޓޯބަރު މަހު
ހިލޭ ބޭސްފަރުވާ ކުރެވޭ ނިޒާމް، އާސަންދައި ރަމްޒުކޮށްދޭ ފޮޓޯއެއް
ރާއްޖެއިން ބޭރުން ކެންސަރަށް ފަރުވާ ހޯދުމަށް އާސަންދައިގެ ހިދުމަތް މިހާރު ނުލިބޭނެ ކަމަށް އާސަންދަ އޮފީހުން ބުނެފިއެވެ.
"ރާއްޖެއެމްވީ"އަށް މައުލޫމާތު ދެއްވަމުން އާސަންދަ އޮފީހުގެ މީޑިޔާ އޮފިޝަލް ވިދާޅުވީ ރާއްޖެއިން ބޭރުން ކެންސަރަށް ފަރުވާ ހޯދުމަށް އާސަންދައިގެ ހިދުމަތް ނުދޭ ގޮތައް ހަމަޖެއްސީ ހުޅުމާލެ ހޮސްޕިޓަލުން ކެންސަރަށް ފަރުވާދޭން ފެށުމާ ގުޅިގެންނެވެ.
ރާއްޖެއިން ބޭރުން ބޭސްފަރުވާ ކުރުމަށް އާސަންދައިގެ ހިދުމަތް ހިދުމަތް ދެނީ ރާއްޖެއިން ފަރުވާ ކުރެވެން ނުހުންނަ ބަލިތަކަށް ކަމަށް ވެސް އޭނާ ފާހަގަ ކުރެއްވިއެވެ. އަދި ކެންސަރަށް ފަރުވާ ހޯދުމަށް ރާއްޖެއިން ބޭރުން އާސަންދަ ހަމަ ހައްސާދިނުން ހުއްޓާލީ ކެންސަރަށް ފަރުވާ ދިނުމަށް ހުޅުމާލޭގައި ގާއިމުކުރި އޮންކޮލޮޖީ ސެންޓަރުގެ ހިދުމަތް ދޭން ފެށި ދުވަހުން ފެށިގެން ކަމަށް ވެސް އޭނާ ވިދާޅުވިއެވެ.
ހުޅުމާލޭގައި އެ ސެންޓަރު ހުޅުވާފައި ވަނީ މިދިޔަ އަހަރުގެ އޮކްޓޯބަރު މަހުގެ ތެރޭގައެވެ. އެތަން ހުޅުވުމުގެ ކުރިން މިދިޔަ އަހަރުގެ ސެޕްޓެމްބަރު މަހުގެ ނިޔަލަށް 1100 މީހުން ރާއްޖެއިން ބޭރުން ކެންސަރަށް ފަރުވާ ހޯދާފައިވާ ކަމަށް ވެސް އާސަންދަ އޮފީހުން ވަނީ ބުނެފައެވެ.
