ކަރުގައި ރުފިޔާއެއް ތާށިވި ކުއްޖަކަށް ފަރުވާއެއް ނުދެވިފައި!
ކުއްޖާގެ މާލެ ގެންނަން ޖެހޭ. އަދި އާސަންދަ ހަމައެއް ނުޖެހޭ
ކުޅުދުއްފުށި ރީޖަނަލް ހޮސްޕިޓަލް: ކުޑަކުއްޖަކަށް ޑޮކްޓަރަކު ނެތިގެން ފަރުވާ ނުދެވި
ކަރުތެރޭގައި ރުފިޔާ ފޮއްޗެއް ތާށިވެގެން ކުޅުދުއްފުށީ ރީޖަނަލް ހޮސްޕިޓަލަށް ގެންދިޔަ ކުޑަ ކުއްޖާއަށް ފަރުވާ ނުދެވިގެން މާލެ ގެންނަން ނިންމާފައިވާ ކަމަށް ކުޅުދުއްފުށީ ހޮސްޕިޓަލުން ބުނެފިއެވެ.
ކަރުގައި ރުފިޔާއެއް ތާށިވެގެން ކުޅުދުއްފުށީ ރީޖަނަލް ހޮސްޕިޓަލަށް ގެނެސް ފަރުވާ ނުލިބި އޮތީ ށ. ފޭދޫ އިން ހޮނިހިރު ދުވަހު ހަވީރު ގެންދިޔަ އުމުރުން 2 އަހަރުގެ ފިރިހެން ކުއްޖެކެވެ.
ކުޅުދުއްފުށީ ރީޖަނަން ހޮސްޕިޓަލްގެ މީޑިޔާ އޮފިޝަލް ފާތިމަތު ހަސަން ހޮނިހިރު ދުވަހުގެ ރޭ ވިދާޅުވީ އެ ކުއްޖާއަށް އެކަށީގެންވާ ފަރުވާއެއް ހޮސްޕިޓަލުން ދެވޭނެ ގޮތެއް ނެތިގެން މާލެ ފޮނުވުމަށް ނިންމާފައިވާ ކަމަށާއި އާސަންދައަށް ލިޔުންތައް ފޮނުވައިގެން ޖަވާބެއްގެ އިންތިޒާރުގައި ތިބި ކަމަށެވެ.
މީޑިޔާ އޮފިޝަލް ވިދާޅުވީ މާލެ ގެންދަން ޖެހުނީ އޮޕަރޭޝަން ޑޮކްޓަރު ޗުއްޓީގައި ހުންނެވުމުން ދެވޭނެ ފަރުވާއެއް ނެތިގެން ކަމަށެވެ.
