ގްރޭސް މުގާބޭ ޕީއެޗްޑީ ހޯއްދެވީ ރަނގަޅަށްތޯ ތަހުގީގުކުރަންފަށައިފި
9 ޖެނުއަރީ 2018 | އަންގާރަ 22:38އެކަމަނާގެ ތީސިސްއެއް ނެތްކަމަށް ރިޕޯޓްތައް ބުނޭ
ގްރޭސްވަނީ ޔުނިވާސިޓީގައި އެންރޯލްވިތާ މަދު މަސްތަކެއްގެ ތެރޭގައި ޕީއެޗްޑީ ހޯއްދަވާފައި
ޒިމްބާބުވޭގެ ކުރީގެ ރައީސް ރޮބަރޓް މުގާބޭގެ އަނބިކަނބަލުން ގްރޭސް މުގާބޭ ޕީއެޗްޑީ ހޯއްދަވާފައިވަނީ އޮޅުވާލައިގެންތޯ އެގައުމުގެ އެންޓިކޮރަޕްޝަން އޭޖެންސީއިން ބަލަން ފަށައިފިއެވެ.
ޔުނިވާސިޓީ އޮފް ޒިމްބާބުވޭގެ ލެކްޗަރަރއިންވަނީ މި މައްސަލަ ތަހުގީގު ކޮށްދިނުމަށް އެދި މިދިޔަ ހަފްތާގައި ޕެޓިޝަނެއް ހުށަހަޅާފައެވެ.
ޑޮކްޓަރޭޓް ހާސިލްކުރެވެނީ އަހަރުތަކެއް ވަންދެން ރިސަރޗް ފުރިހަމަ ކުރުމުންނަމަވެސް 2014 ވަނަ އަހަރު އެކަމަނާ ޔުނިވާސިޓީގައި އެންރޯލްވިތާ މަދު މަސްތަކެއްގެ ތެރޭގައި އެކަމަނާއަށްވަނީ ޕީއެޗްޑީ އަރުވާފައެވެ.
ގްރޭސް މީގެ ކުރިންވަނީ އެކަމަނާގެ ތައުލީމީ ފެންވަރާމެދު ދެކެވޭ ވާހަކަތައް ދިފާއުކުރައްވާފައެވެ.
މިދިޔަ އަހަރުގެ ސެޕްޓެމްބަރު މަހު އެކަމަނާ ވަނީ އެކަމަނާގެ ތައުލީމީ ފެެންވަރާމެދު ސުވާލު އުފެއްދެވި ނަމަވެސް ޕީއެޗްޑީ ހާސިލްކުރައްވާފައިވާކަމަށް ވިދާޅުވެފައެވެ.
ގްރޭސްއަށް ޕީއެޗްޑީ އަރުވާފައިވަނީ ޔުނިވާސިޓީ އޮފް ޒިިމްބާބްވޭއިންނެވެ.
އެކަމަނާގެ ޕީއެޗްޑީއާއިމެދު ސުވާލު އުފައްދައި މައްސަަލަ ހުށަހެޅުމުގެ ފަހަތުގައި ތިބީވެސް ހަމަ އެ ޔުނިވާސިޓީގެ ލެކްޗަރަރއިންނެވެ.
ޒިމްބާބުވޭގެ މީޑިއާތައް ބުނާގޮތުން އެކަމަނާގެ ޕީއެޗްޑީ ތީސިސްއެއް ހުށަހަޅުއްވާފައެއް ނުވެއެވެ. މިއީ އާއްމުކޮށް އަމަލުކުރެވޭ ގޮތާއި ޚިލާފު ގޮތެކެވެ.
