ޓޮރޮންޓޯ އެއަރޕޯޓްގައި ދެ މަތިންދާ ބޯޓެއް ޖެހި އެއް ބޯޓުން މީހުން ބާލަން ޖެހިއްޖެ
ވެސްޓްޖެޓުން ބުނީ ހުރިހާ ފަސިންޖަރުން ސަލާމަތުން ބޯޓުން ބޭލުވި ކަމަށް
ބޯޓުގައި އެވަގުތު 168 ފަސިންޖަރުންނާއި ހަ ކްރޫ މެމްބަރުން ތިބި
ކެނެޑާގެ ޓޮރޮންޓޯ އެއަރޕޯޓްގެ ރަންވޭގައި ދެ ފްލައިޓެއް ޖެހި ފްލައިޓުން ކުއްލި ހާލަތުގައި މީހުން ބާލަން ޖެހިއްޖެ ކަމަށް އެއަރލައިނުން ބުނެފިއެވެ.
ވެސްޓްޖެޓް އެއަރލައިނުން ބުނީ ބޯއިންގް 737-800 ގެ ބޯޓު ސަންވިންގް އެއަރލައިންސްގެ ބޯޓުގައި ޖެހިފައި ވަނީ ގޭޓަށް މަޑުކޮށްގެން އޮއްވައި ކަމަށެވެ.
ބޯޓުގައި އެވަގުތު 168 ފަސިންޖަރުންނާއި 6 ކްރޫ މެމްބަރުން ތިއްބެވެ. އަނެއް ބޯޓު އޮތީ ހުސްކޮށެވެ.
މި އެކްސިޑެންޓާ އެކު ބޯޓްގެ ފަހަތު ފިޔަގަނޑުގައި ހުޅުހިފި ނަމަވެސް ވެސްޓްޖެޓުން ބުނީ ހުރިހާ ފަސިންޖަރުން ސަލާމަތުން ބޯޓުން ބޯޓުން ބޭލުވި ކަމަށެވެ.
އެއަރލައިނުން ބުނީ އެ ބޯޓަކީ މެކްސިކޯ އިން ފުރައިގެން ޕެއަރސަން އެއަރޕޯޓަށް ދަތުރުކުރި ބޯޓެއް ކަމަށެވެ.
