ރާއްޖެ
ހދ ކުޅުދުއްފުށި
ކުޅުދުއްފުށީގައި އެކްސިޑެންޓެއް ހިނގައި އަނިޔާ ލިބުނު ތިން މީހުންނަން ފަރުވާދެނީ
އެކްސިޑެންޓްވީ އަމީނީ މަގާއި މާހިޔާ މަގު ގުޅޭ ކަންމަތިން
މުހަންމަދު ވިސާމް, ރާއްޖެ އެމްވީ | 25 ޑިސެމްބަރު 2017 | ހޯމަ 17:59
ކުޅުދުއްފުށި
ކުޅުދުއްފުށީގައި އެކްސިޑެންޓެއް ހިނގައި ތިން މީހަކަށް އަނިޔާވެއްޖެއެވެ.
ފުލުހުން ބުނީ ކުޅުދުއްފުށީ އަމީނީ މަގާއި މާހިޔާ މަގު ގުޅުނު ހަތަރު އަނގޮޅި ކަންމަތިން ސައިކަލަކާއި ބައިސްކަލެއް ޖެހި އެކްސިޑެންޓެއް ހިނގި ކަމަށެވެ. މި އެކްސިޑެންޓުގައި ސައިކަލްގައި ތިބި ދެ އަންހެނުންނަށާއި، ބައިސްކަލް ދުއްވަން އިން މީހާއަށް އަނިޔާވެ، ކުޅުދުއްފުށީ ހޮސްޕިޓަލްގައި ފަރުވާދެމުން އަންނަ ކަމަށް ފުލުހުން ބުންޏެވެ.
އެކްސިޑެންޓުގައި އަނިޔާވެފައި ވަނީ 64 އަހަރުގެ ފިރިހެނަކާއި 29 އަހަރުގެ ދެ އަންހެނުންނަށެވެ.
ފުލުހުން ބުނީ އެކްސިޑެންޓުގެ މައުލޫމާތު ރިޕޯޓްކޮށްފައި ވަނީ ހޯމަ ދުވަހުގެ ރޭ 18:45 ހާއިރުގައި ކަމަށެވެ.
