ލިންޗްޕިން އިން ހާއްސަ ވައްތަރެއްގެ ޑިޓަރޖަންޓުތަކެއް ބުރާސްފަތި ދުވަހު ރާއްޖެއަށް ތައާރަފުކޮށްފިއެވެ.
ތައާރަފުކޮށްފައިވާ ޑިޓަރޖަންޓަކީ ހެންކަ ކުންފުނީގެ "ޕާސިލް" ނަމަކަށް ކިޔާ ޑިޓަރޖަންޓެކެވެ.
މި ޑިޓަރޖަންޓުގެ ތަފާތު ކަމަކީ އެކި ކުލަތަކުގެ އަންނައުތައް ދޮވުމަށް ހާއްސަ ޑިޓަރޖަންޓް ތައާރަފުކުރުމެވެ. އެގޮތުން ކަޅު ކުލައިގެ އަންނައުނަށާއި ހުދު ކުލައިގެ އަންނައުނަށާއި އަދި ކުޑަކުދިންގެ އަންނައުނު ދޮވުމަށް ހާއްސަ ޑިޓަރޖަންޓުތަކެއް ވަނީ ތައާރަފު ކޮށްފައެވެ.
މި ޕްރޮޑަކްޓް ލޯންޗްކޮށްދެއްވަމުން ލިންޗްޕިންގެ މެނޭޖިންގް ޑައިރެކްޓަރ އަބްދުލް މުހުސިން އަބްދުﷲ ވިދާޅުވީ ޕްރޮޑަކްޓް ކަސްޓަމަރުންނަށް ހެޔޮ އަގެއްގައި ލިބިގެންދާނެ ކަމަށާއި ލިންޗްޕިން އަކީ ހަމައެކަނި މީހާ ބޭރުފުށުން ރީތިވުން ނޫން ކަމަށާއި އެމީހަކު ލާ ހެދުމަކީ ވެސް ރީތި ސާފުތާހިރު ހެދުމަކަށްވާން ޖެހޭނެ ކަމަށެވެ.
ލިންޗްޕިން އިން އަބަދުވެސް ވިއްކަމުންދަނީ ފެންވަރު ރަނގަޅު ޕްރޮޑަކްޓްތައް ކަމަށް އެ ކުންފުނިން މައުލޫމާތުދެއެވެ.
ޕްރޮޑަކްޓް ލޯންޗުކުރުމުގެ ރަސްމިއްޔާތުގައި ލިންޗްޕިންގެ އިސްވެރިންގެ އިތުރުން ބައެއް ފިލްމީ ފަންނާނުންވެސް ބައިވެރިވިއެވެ.
