ބޮލީވޫޑްގެ އުފެއްދުންތައް އާންމުންނާ ހަމައަށް ގެނެސްދިނުމުގެ އެންމެ ބޮޑު އެއް ޕްލެޓްފޯން ކަމަށްވާ އިރޯސްއާ ގުޅިގެން އުރީދޫއިން މަގްބޫލް ކޮންޓެންޓް ޕްލެޓްފޯމް އިރޮސް ނައު ރާއްޖޭގައި ތައާރަފްކޮށްފިއެވެ.
އިންޓަރނެޓް ޑިވައިސްތައް މެދުވެރިކޮށް ބޮލީވުޑްގެ ފިލްމުތަކާއި އިންޑިޔާގެ ވީޑިއޯ އަދި އޯޑިއޯ ކޮންޓެންޓްގެ އެންމެ ބޮޑު ކަލެކްޝަން ފަސޭހަކަމާއިއެކު ބަލާލުމުގެ ފުރުޞަތު މި ހިދުމަތުގެ ތެރެއިން ލިބިގެންދާނެ ކަމަށް އުރީދޫއިން ބުންޏެވެ.
އިރޯސް ނައޮގެ އެޑެޕްޓިވް ސްޓްރީމިންގ ފީޗަރ މެދުވެރިކޮށް ސްމާރޓް ފޯންތަކަށް އެންމެ ފުރިހަމަ އުރީދޫ ނެޓްވާރކްގައި، ބޮލީވުޑްގެ ފިލްމުތަކާއި ޓީވީ ސީރީސް، ވީޑިއޯ އަދި އޯޑިއޯ ކޮންޓެންޓް އޭގެ އެންމެ ފުރިހަމަ ގޮތުގައި އަދި އެއްވެސް އިޝްތިހާރެއް ނުވަތަ މެދުކެނޑުމަކާ ނުލައި ތަޖުރިބާކޮށްލެވޭނެ ކަމަށް ވެސް އުރީދޫން ބުންޏެވެ. ހަމައެއާއެކު ކޮންޓެންޓް ޑައުންލޯޑްކޮށް، އޮފްލައިންކޮށް ވެސް މި ޚިދުމަތް ބޭނުންކުރެއްވުމުގެ ފުރުޞަތު ވަނީ ތަނަވަސްކޮށްދީފައެވެ.
އިރޮސް ނައޮ އަށް ސަބްސްކްރައިބް ކުރުމަށް 3 ޕެކޭޖެއް ވަނީ ތަޢާރަފްކޮށްފައެވެ.
އެގޮތުން ޑެލީ ޕެކޭޖް 2ރ. އަށް ލިބޭ އިރު ވީކްލީ ޕެކޭޖެއް ވަނީ 15ރ. އަށް ލިބެއެވެ. އަދި މަންތްލީ ޕެކޭޖްގެ އގަކީ 60ރ. އެވެ.
