ކ. މާލެ
|
25 ނޮވެންބަރ 2017 | ހޮނިހިރު 15:24
ރެއާލް މެޑްރިޑަށް ކުޅެމުން އަންނަ ޕޯޗުގަލްގެ ފޯވާޑް ކްރިސްޓިއާނޯ ރޮނާލްޑޯ
ރެއާލް މެޑްރިޑަށް ކުޅެމުން އަންނަ ޕޯޗުގަލްގެ ފޯވާޑް ކްރިސްޓިއާނޯ ރޮނާލްޑޯ
ގެޓީ އިމޭޖަސް
ކްރިސްޓިއާނޯ ރޮނާލްޑޯ
ޕީއެސްޖީއާއެކު މަޝްވަރާކުރުމުގެ ހުއްދަ ރޮނާލްޑޯ އޭނާގެ އެޖެންޓަށް ދީފި
 
ރޮނާލްޑޯ މި ސީޒަނުގައި ރެއާލް އަށް ކުޅުނު 15 މެޗުން ޖެހިފައިވަނީ 10 ލަނޑު

ޓްރާންސްފާއާ ގުޅޭގޮތުން ޕެރިސް ސެއިންޓް ޖާމަންއާ އެކު މަޝްވަރާކުރުމުގެ ހުއްދަ ރެއާލް މެޑްރިޑަށް ކުޅެމުން އަންނަ ޕޯޗުގަލްގެ ފޯވާޑް ކްރިސްޓިއާނޯ ރޮނާލްޑޯ އޭނާގެ އެޖެންޓް ޖޯޖް މެންޑޭޒްއަށް ދީފިކަމަށް ރިޕޯޓްތައް ބުނެފިއެވެ.

ސްޕެއިންގެ ނޫހެއް ކަމަށްވާ "ޑިއާރިއޯގޮލް" އިން ބުނީ ޓްރާންސްފާއާ ގުޅޭގޮތުން ޕީއެސްޖީއާއެކު މަޝްވަރާ ކުރުމުގެ ހުއްދަ ރޮނާލްޑޯ އޭނާގެ އެޖެންޓް މެންޑޭޒްއަށް ދީފައިވާ ކަމަށާއި، އޭނާ ބޭނުން ވަނީ ޖެނުއަރީ ޓްރާންސްފާގައި ކްލަބް ބަދަލުކުރަން ކަމަށެވެ.

ރިޕޯޓްތައް ބުނާގޮތުން ރޮނާލްޑޯ ބޭނުން ވަނީ މުސާރަ އިތުރަށް ބޮޑުކޮށް ރެއާލްގައި މަޑުކުރާށެވެ. އެހެން ނަމަވެސް އެގޮތަށް އެކަން ނުހިނގައިފިނަމަ ރޮނާލްޑޯ ބޭނުންވަނީ މި ސީޒަނަށް ފަހު ރެއާލް ދޫކޮށްލަން ކަމަށް ވެސް ރިޕޯޓްތައް ބުނެއެވެ.

އުމުރުން 32 އަހަރުގެ ރޮނާލްޑޯ ހޯދަން ޕީއެސްޖީން މީގެކުރިން ވެސް މަސައްކަތް ކޮށްފައިވާއިރު، އޭނާ ގަތުމަށް މާލީގޮތުން އެންމެ ތަނަވަސް ކްލަބަކީ ވެސް ޕީއެސްޖީކަމަށް ގިނަ ފަރާތްތަކުން ބުނެއެވެ.

ރޮނާލްޑޯ ހޯދުމަށް ޕީއެސްޖީގެ އިތުރުން އެހެން ކްލަބްތަކުން ވެސް އަންނަނީ މަސައްކަތް ކުރަމުންނެވެ. އޭގެ ތެރޭގައި އެމެރިކާ، ޕްރިމިއާ ލީގު އަދި ޗައިނާގެ ކްލަބްތައް ވެސް ހިމެނެއެވެ.

މި ސީޒަނުގައި ރޮނާލްޑޯއަށް ރަނގަޅު ކުޅުމެއް ނުދެއްކޭއިރު، މި ސީޒަނުގައި އޭނާ ކުޅުނު 15 މެޗުގައި ޖެހިފައިވަނީ 10 ލަނޑެވެ. މީގެއިތުރުން އޭނާގެ ކްލަބް ރެއާލްއަށް ލަނޑު ނުޖެހޭ މައްސަލަ ފެންމަތިވަމުން އަންނައިރު، އެކަމާ ގުޅިގެން އެންމެ ބޮޑަށް ފާޑުކިޔުން އަމާޒުވެފައިވަނީ ވެސް ރޮނާލްޑޯއަށެވެ.

ސްޕެނިޝް ލީގަށް ބަލާއިރު، ރެއާލް ވަނީ ކުޅުނު 12 މެޗުގެ ތެރެއިން ދެ މެޗުން ބަލިވެފައެވެ. ބާކީ ނުވަ މެޗުން އެޓީމު މޮޅުވެފައިވާއިރު، ތިން މެޗުން އެޓީމު ވަނީ އެއްވަރުވެފައެވެ. ރެއާލް ޕޮއިންޓް ތާވަލުގެ ތިންވަނައިގައި އޮތްއިރު، އެޓީމު އޮތީ އެއްވަނައިގައި އޮތް ބާސާއަށް ވުރެ 10 ޕޮއިންޓް ފަހަތުގައެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
33%
67%
ކޮމެންޓް