ހޮނިހިރު 25 ޖެނުއަރީ 2020
7 ހުވަން
1441 ޖުމާދަލްއޫލާ 30
ފަތިސް 05:04
އިރުއަރާ 06:18
މެންދުރު 12:22
އަސްރު 15:42
މަޣްރިބް 18:18
އިޝާ 19:33
ކުޅިވަރު - ކްރިސްތިއާނޯ ރޮނާލްޑޯ

ޕޯޗުގަލްގެ މޮޅު ކުޅުންތެރިޔަކަށް އެޓީމާއެކު ޔޫރޯ ކާމިޔާބުކުރި ރޮނާލްޑޯ

  • އެންމެ ޒުވާން ކުޅުންތެރިޔަކަށް ހޮވުނީ ރެނާޓޯ ސަންޗޭޒް
  • އެންމެ މޮޅު ކޯޗަކަށް ހޮވުނީ ފެނާންޑޯ ސަންޓޯސް

ލީވާން އަލީ
MrLeevaan

ކ. މާލެ 22 މާރޗް 2017 | ބުދަ 00:51 3,722

ޕޯޗުގަލްގެ ކެޕްޓަން ރޮނާލްޑޯ - ގޯލް.ކޮމް

ޕޯޗުގަލްގެ މޮޅު ކުޅުންތެރިޔަކަށް މިދިޔަ އަހަރު ފްރާންސްގައި ބޭއްވި ޔޫރޯ ފުޓުބޯޅަ މުބާރާތް އެޓީމާއެކު ކާމިޔާބުކުރި ކްރިސްތިއާނޯ ރޮނާލްޑޯ އަށް ލިބިއްޖެ އެވެ.

ހޯމަ ދުވަހު ހޮވި އެންމެ މޮޅު ކުޅުންތެރިޔާގެ މަގާމު ރޮނާލްޑޯ އަށް ލިބިފައިވަނީ އޭނާއާ އެއް ކްލަބަކަށް ކުޅެމުން އަންނަ ޕެޕޭއާ އަދި ސްޕޯޓިން ސިޕީގެ ގޯލް ކީޕަރު ރުއީ ޕެޓްރީސިއޯއާ ވާދަކޮށްގެންނެވެ.

މިދިޔަ ސީޒަނުގައި ރެއާލް މެޑްރިޑާއެކު ޔުއެފާ ޗެމްޕިއަންސް ލީގު ކާމިޔާބުކޮށްފައިވާ ރޮނާލްޑޯ ވަނީ ޗެމްޕިއަންސް ލީގުގައި 16 ލަނޑު ކާމިޔާބުކޮށް އެންމެ ގިނަ ލަނޑުޖެހި ކުޅުންތެރިޔާގެ މަގާމުވެސް ހޯދާފައެވެ.

ޔޫރޯ ފުޓުބޯޅަ މުބާރާތް ޕޯޗުގަލް އިން ކާމިޔާބުކުރިއިރު، ރޮނާލްޑޯ އެޓީމު މެޗުތަކު މޮޅުކޮށްދޭން އަދާކުރި ރޯލު ވަރަށް ބޮޑެވެ. ފައިނަލް މެޗުގައި އޭނާ އަށް އަނިޔާވި ނަމަވެސް ބެންޗުގައި ހުރެޓީމަށް ހިތްވަރު ދީފައިވެއެވެ.

އެވޯޑާ ހަވާލުވުމަށްފަހު ރޮނާލްޑޯ ބުނީ މިދިޔަ އަހަރަކީ އޭނާގެ ކެރިޔަރުގައި ވަރަށް އުފާވެރި އަހަރެއް ކަމަށާއި، ޔޫރޯ މުބާރާތަކީ މުޅި ކެރިޔަރުގައިވެސް ނުލިބި އޮތް ހަމައެކަނި މުބާރާތް ކަމަށެވެ. އެގޮތުން އެ މުބާރާތް ކާމިޔާބުކުރެވުމުން ހުވަފެންތައް ހަގީގަތަކަށް ހެދިއްޖެ ކަމަށެވެ.

މީގެއިތުރުން މިދިޔަ އަހަރު ހޮވި ދުނިޔޭގެ އެންމެ މޮޅު ކުޅުންތެރިޔާގެ މަގާމު ހޯދި ރޮނާލްޑޯ ވަނީ ޔޫރޯ މުބާރާތް ޕޯޗުގަލް ޓީމަށް ކާމިޔާބުކޮށްދޭން އެހީތެރިވި ހުރިހާ ފަރާތްތަކަށް ޝުކުރުއަދާކޮށްފައެވެ.

މިދިޔަ ސީޒަނުގައި އެންމެ މޮޅު ޒުވާން ކުޅުންތެރިޔަކަށް ބަޔާން މިއުނިކްގެ ރެނާޓޯ ސަންޗޭޒް ހޮވުނުއިރު، އެންމެ މޮޅު ކޯޗަކަށް ހޮވިފައިވަނީ ޕޯޗުގަލްގެ ކޯޗު ފެނާންޑޯ ސަންޗޭޒް އެވެ. 

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް