އާސެނަލްގައި މިހުރީ ހިތްހަމަޖެހިގެން، ބޭނުމީ ކްލަބަށް ކާމިޔާބު ހޯދައިދިނުން: ޖިރޫ

އާސެނަލްގައި ހުރީ ހިތްހަމަޖެހިގެން ކަމަށާއި، ބޭނުންވަނީ އެ ކްލަބާއެކު ކާމިޔާބު ހޯދަން ކަމަށް ފްރާންސްގެ ފޯވާޑް އޮލިވާ ޖިރޫ ބުނެފިއެވެ.

ޔޫކޭ ނޫހަށް ދިން އިންޓަވިއުއެއްގައި ޖިރޫ ބުނީ މިވަގުތު ކުރިމަގާމެދު ނުވިސްނާ ކަމަށާއި، އާސެނަލްގައި މިވަގުތު ހުރީ ހިތްހަމަޖެހިގެންކަމަށެވެ.

އެގޮތުން ޖިރޫ ބުނީ، އާސެނަލްގައި އޭނާ މަޑުކުރަން ނިންމި ނިންމުމާމެދު ވެސް ވަރަށް ހިތްހަމަޖެހޭ ކަމަށެވެ. އެހެން ނަމަވެސް ޖިރޫ ބުނީ ކްލަބް އާއި އޭނާއާ ދެމެދު ދެކެވެމުންދާ ވާހަކަތައް އަދިވެސް ނުނިމޭ ކަމަށެވެ.

އަބަދުވެސް ކުރިއެރުން ހޯދަން ބޭނުންވާކަން ފާހަގަކުރަމުން ޖިރޫ ބުނީ އާސެނަލް އަދި ފްރާންސްއާ އެކު ކާމިޔާބީ ހޯދަން ބޭނުންވާ ކަމަށެވެ. އެގޮތުން އޭނާ ބުނީ ގިނަ ލަނޑު ޖަހާ އެންމެ ރަނގަޅު ފޯމުގައި ހުންނަން އަބަދުވެސް މަސައްކަތްކުރާ ކަމަށެވެ.

މީގެއިތުރުން ޖިރޫ ބުނީ އާސެނަލް އިން އަބަދުވެސް އޭނާ އަށް އިތުބާރު ކުރާ ކަމަށާއި، އެ އިތުބާރުގެ ބަދަލު ދަނޑުމަތިން ދެވޭތޯ މަސައްކަތްކުރާ ކަމަށެވެ.

އާސެނަލް އަށް 2012 ވަނަ އަހަރު ބަދަލުވި ޖިރޫ ވަނީ އެޓީމަށް ކުޅުނު 241 މެޗުގައި 101 ލަނޑު ކާމިޔާބުކޮށްފައެވެ. އޭނާ ވަނީ މިހާތަނަށް ފްރާންސް އަށް ކުޅުނު 69 މެޗުގައި 29 ލަނޑު ކާމިޔާބުކޮށްފައެވެ.

ޖިރޫ ވަނީ އާސެނަލްއާ އެކު ތިން އެފްއޭކަޕް އަދި ތިން އެފްއޭ ކޮމިއުނިޓީ ޝިލްޑް ކާމިޔާބުކޮށްފައެވެ. އޭނާ ވަނީ ފްރާންސްއާ އެކު މިދިޔަ އަހަރު ޔޫރޯ ފުޓުބޯޅަ މުބާރާތުގެ ދެވަނަވެސް ހޯދާފައެވެ.