ސްވިޑްންގެ ނޫސްވެރިޔާ ކިމްވޯލްގެ ގުނަވަންތައް ހުޅުހުޅުން ވަކިކުރި ކަމަށް ޑެންމާކުގެ އިންވެންޓަރ ޕީޓަރ މެޑްސެން އެއްބަސްވެއްޖެއެވެ. ނަމަވެސް އޭނާ ވަނީ ކިމް ވޯލް މަރާލިކަމަށް ކުރާ ތުހުމަތަށް ދެކޮޅު ހަދާފައެވެ.

މީގެ އިތުރުން އެ އަންހެން މީހާގެ ހަށިގަނޑުގެ ބައިތައް ކަނޑު އަޑިއަށް ފެއްތިކަމަށްވެސް އޭނާ އެއްބަސްވާ ކަމަށް ޑެންމާކުގެ ފުލުހުން ނެރެފައިވާ ބަޔާނެއްގައި ބުނެފައެވެ.

މޭޑްސެންގެ ވާހަކަތައް އެކި ފަހަރު އެކި ގޮތަށް ބަދަލުވެފައިވާއިރު އެއްފަހަރަކު އޭނާ ބުނެފައިވާ ގޮތުގައި އެ ނޫސްވެރިޔާ މަރުވެފައިވަނީ ސަބްމެރިންގެ ތެރޭގައި އިންދައި ކާބަން މޮނޮކްސައިޑްގެ ވިހަ އަސަރުކޮށްގެންނެވެ. އަދި އޭރު ޕީޓަރ ހުރީ ސަބްމެރިންގެ ޑެކް މަތީގައި ކަމަށް އޭނާ ބުނެއެވެ.

އުމުރުން 30 އަހަރުގެ ވޯލްސްގެ ގުނަވަންތައް ހުޅުހުޅުން ބުރިކުރި ކަމަށް ކުރާ ތުހުމަތު މޭޑްސެން ކުރިން ދޮގުކޮށްފައިވާއިރު އޭރު އޭނާވަނީ ވޯލސް މަރުވެފައިވަނީ ސަބްމެރިންގެ ކުޑަދޮރެއް އޭނާގެ ބޮލަށްވެއްޓިކަމަށެވެ.

ޑައިވަރުންނަށް އޭނާގެ ބޯ ފެނިފައިވަނީ ދެ ފަޔާ އަންނައުނާ އެކު ގޯންޏެއްގައި ފައްތާފައި ހުއްޓައި ކޯޕަންހޭގަންގެ ދެކުން ކޮގް ބޭއިން ފެނިފައިވަނީ މިމަހުގެ ކުރީކޮޅުއެވެ.

މި ތަކެތި ފެނިފައިވަނީ ޕީޓަރ މޭޑްސެން ގެ ސަބްމެރިންގައި އޯގަސްޓް މަހުގެ 10 ވަނަ ދުވަހު ވޯލްސް ދިޔަތާ 11 ދުވަސް ފަހުން އޭނާގެ ހަށިގަނޑުގެ ކަރުން ފެށިގެން ފޫޅާ ދެމެދުގެ ބައި ފެނުނު ސަރަހައްދާ ދުރުނޫން ސަރަހައްދަކުންނެވެ.

އޮކްޓޯބަރު މަހުގެ 6 ވަނަދުވަހު ފެނުނު ގޯނިތައް ފައްތާފައި ހުރީ ދަގަނޑު ބުރި ބުރި އަޅައިގެންކަމަށް ކޯޕަން ހޭގަންގެ ޕޮލިސް އިންސްޕެކްޓަރ ޖެންސް މޮލަރ ވިދާޅުވެފައިވެއެވެ.

ވޯލްސްގެ ހަށިގަނޑުގެ ކަރުން ތިރި ފޫޅާ ދެމެދު ފެނިފައިވަނި އޯގަސްޓް މަހުގެ 21 ވަނަ ދުވަހުއެވެ.

ޕޯސްޓް މޯޓަމް ތަހުލީލުން ދައްކާގޮތުގައި އޭނާގެ ޖިންސީ ގުނަވަނާއި މޭކަށިތަކުގައި ވަޅިން ހަމަލާދީ ޒަޚަމް ކޮށްލާފައި ހުރިއިރު ބެލެވޭ ގޮތުގައި އެއީ "މަރުވަނިކޮށް ނުވަތަ މަރުވިތާ ކުޑަވަގުތުކޮޅެއްތެރޭ" ދީފައިވާ ހަމަލާތަކެކެވެ.                     

ހޯމަ ދުވަހު ފުލުހުން ބުނީ އުމުރުން 46 އަހަރުގެ މޭޑްސެންގެ މައްޗަށް ކުރާ ދައުވާތައް އިތުރުކުރާ ކަމަށާއޭގެ ތެރޭގައި މިހާރު ކުރެވިފައިވާ މީހަކު މެރުމުގެ ދައުވާގެ އިތުރުން ވޯލްސްގެ ހަށިގަނޑަށް ގެއްލުން ދިންކަމުގެ ދައުވާއާއި ޖިންސީ ގުޅުން ހިންގުމުގެ ބޭރުން ޖިންސީ ހާނީއްކަ ކޮށްފައިވުން ހިމެނެއެވެ. އޭނާގެ މައްޗަށް ކުރާ ދައުވާތަކަށް މޭޑްސެން އިންކާރުކުރެއެވެ.

އުމުރުން 30 އަހަރުގެ ވޯލްސް ދިރި ހުއްޓައި އެންމެ ފަހުން ފަނިފައިވަނީ އޯގަސްޓްމަހުގެ 10 ވަނަ ދުވަހު ހަވީރު މޭޑްސެން އަމިއްލައަށް އުފައްދާފައިވާ ސަބްމެރިންއެއްގައި އޭނާއާއެކު އެ އުފެއްދުމާ ބެހޭގޮތުން ރިޕޯޓެއް ތައްޔާރުކުރުމަށް ފުރަނިކޮށެވެ.

އެ ދަތުރުން އޭނާ އެނބުރި ނައުމުން އެކަން ސަމާލުކަމަށް ގެނެސްފައިވަނީ ވޯލްސްގެ ލޯބިވެރިޔާއެވެ.

އެންމެ ފުރަތަމަ މޭޑްސެން ބުނެފައިވަނީ ކޯޕަން ހޭގަންއަށް ވޯލްސް ސަލާމަތުން ގެންގޮސްދީފައިވާކަމަށެވެ. ނަމަވެސް ފަހުން އޭނާވަނީ ވާހަކަ ބަދަލުކޮށް "ނުރައްކާ އެކްސިޑެންޓެއް ހިނގީ ކަމަށާއި ވޯލްސް ކަނޑަށް ދޫކޮށްލުމަށްފަހު ސަބްމެރިން އަޑިޔަށްދާން ދޫކޮށްލައި އޭނާގެ ފުރާނަ ސަލާމަތްކުރީ ކަމަށެވެ.