ބަހްރައިންގައި ހަނގުރާމަވެރިންތަކެއް ދިން ހަަމަލާއެއްގައި ފުލުހަކު މަރުވެ އަށް ފުލުހުން ޒަޚަމްވެއްޖެ
ހަމަލާ ދީފައި ވަނީ ފުލުހުންނަށް އަމާޒުކޮށް ކަމަށް ރިޕޯޓުތައް ބުނޭ
ހަމަލާ އަމާޒުވި ބަސް
ބަހްރައިންގައި ހަނގުރާމަވެރިންތަކެއް ހުކުރު ދުވަހު ދިން ހަމަލާއެއްގައި ފުލުހަކު މަރުވެ އަށް ފުލުހަކު ޒަހަމްވެއްޖެއެވެ.
މިހާދިސާ ހިނގީ ވެރިރަށް މަނާގެ ބޭރުން ޖިދަފްސް ސިޓީއާ ގާތުގައެވެ.
ބަހްރައިންގެ އިންޓީރިއާ މިނިސްޓްރީން ބުނީ ހަމަލާ ދީފައި ވަނީ ހަލީފާ ބިން ސަލްމާން ހައިވޭ އިން ދަތުރު ކުރި ބަހަކަށް ކަމަށާއި ހަމަލާ ދީފައި ވަނީ "ހޭންޑްމޭޑް ބޮމަކުން" ކަމަށެވެ. އިންޓީރިއާ މިނިސްޓްރީން ބުނީ "ދުރާލާ ރާވައިގެން ދިން ހަމަލާ ތަހުގީގު ކުރަމުންދާ ކަމަށާއި އަދި މިކަމުގެ ފަހަތުގައި ތިބި މީހުން ވެސް ބަލަމުންދާ ކަމަށެވެ.
ބަހްރައިންގެ ފުލުހުންނަށް އަމާޒުކޮށް ދޭ ހަަމަލާތައް މިފަހުން ވަނީ އިތުރުވެގެން ގޮސްފައެވެ.
ބަހްރައިންގެ ސަރުކާރުން ބުނަމުން ދަނީ ހަމަލާތައް ދެމުން ދަނީ އިރާނުން ވާގިވެރިވެގެން، ޝީއީ ހަނގުރާމަވެރިން ކަމަށާއި އޭގެ ސަބަބަކީ ބަހްރައިން ހަލަބޮލިކަމެއްގެ ތެރެއަށް ވައްޓާލުން ކަމަށެވެ. އިރާނުން އެ ތުހުމަތުތައް ދޮގުކުރެއެވެ.
