ޕާރމިއުމަރީސްގެ އައު ޝޯވްރޫމެއް ހުޅުމާލޭގައި ހުޅުވައިފި
މިފިހާރަ ހުންނަނީ ރެހެންދި ސްކޫލު ކުރިމަތީގައި
ޕާރމިއުމަރީސްގެ އައު ޝޯވްރޫމު
މަޝްހޫރު ކޮސްމެޓިކްސް ބްރޭންޑްތަކުގެ ސާމާނު ވިއްކަމުންގެންދާ "ޕާރމިއުމަރީސް"ގެ އައު ޝޯވްރޫމެއް ހުޅުމާލޭގައި ހުޅުވައިފި އެވެ.
ހުކުރު ދުވަހުގެ ރޭ މި ފިހާރަ ހުޅުވާފައިވަނީ ރެހެންދި ސްކޫލު ކުރިމަތީގައެވެ.
ތަފާތު ކޮސްމެޓިކްސްގެ ބްރޭންޑްގެ ސާމާނު އެއްތަނަކުން ލިބޭ ގޮތަށް މިފިހާރަ ހުޅުވާފައިވާއިރު، މަޝްހޫރު ވިއެނާ ބްރޭންޑްގެ އޮތޮރައިޒްޑް ޑިސްޓްރިބިއުޓަރ އަކީ ޕާރފިއުމަރީސްއެވެ.
އެގޮތުން ވިއެނާ ބްރޭންޑްގެ ހުރިހާ ޕްރޮޑަކްޓެއް މިތަނުން ލިބެން ހުރެއެވެ. ވިއެނާ ޕައުޑަރ އަދި ވިއެނާ ލޯޝަންއަކީ ކަސްޓަމަރުންގެ މެދުގައި މަޤްބޫލު ޕްރޮޑަކްޓްސްތަކެވެ. އަދި އަގުހެޔޮކޮށް ތަފާތު ބްރޭންޑްގެ ސެންޓާއި، ލޯޝަނާއި، ހެޔަރ ކްރީމް އަދިވެސް ތަފާތު ގިނަ ޕްރޮޑަކްޓްސްތައް މިފިހާރައިން ލިބެން އެބަހުއްޓެވެ.
ރާއްޖެއެމްވީއާއި ވާހަކަދައްކަވަމުން ޕާރފިއުމަރީސްގެ މެނޭޖަރ ވިދާޅުވީ ހުޅުމާލޭގައި ޕާރފިއުމަރީސްގެ ފިހާރައެއް ހުޅުވުމުގެ ބޭނުމަކީ މާލެއެކޭ އެއްގޮތަށް ހުޅުމާލެއިން ޕާރފިއުމަރީސްގެ ޕްރޮޑަކްޓްސްތަކަށް ލޯބި ކުރާ ފަރާތްތަކަށް އަގު ހެޔޮކޮށް މި އުފެއްދުންތައް ފޯރުކޮށްދިނުމުގެ ބޭނުމުގައި ކަމަށެވެ.
އެގޮތުން ބައެއް ޕްރޮޑަކްސްޓްސް ތަކުގެ އަގު އެހެން ފިހާރަތަކަށްވުރެ ހެޔޮވާނެ ކަމަށާއި ހާއްސަކޮށް ވިއެނާ ޕްރޮޑްކްސްތައް ފާހަގަކޮށްލާ ކަމަށް ވިދާޅުވިއެވެ.
އެހެން ކަމުން މިފަދަ ފިހާރައެއް ފްލެޓް ސަރަހައްދުގައި ހުޅުވިގެން ދިޔުމަކީ އެފަރާތްތަކަށް ވިޔަފާރިކޮށްލަން ލިބޭނެ ރަނގަޅު ފުރުޞަތެއް ކަމަށްވެސް އޭނާ ވިދާޅުވިއެވެ.
ޕާރފިއުމަރީސްގެ ފިހާރައެއް މާލޭގައިވެސް ހުރެއެވެ. އަދި ކުރިއަށްއޮތް ތަނުގައި އިތުރު ފިހާރަތައް ހުޅުވާނެ ކަމަށް އެފަރާތުން މައުލޫމާތުދިނެއެވެ.
