ބަނޑޮސް އައިލެންޑް ރިސޯޓް ކައިރީގައި އޮތް ދޯންޏެއްގައި ރޯވެއްޖެ އެވެ.
އެމްއެންޑީއެފުން ބުނީ، ހާދިސާގެ މައުލޫމާތު އެމްއެންޑީއެފްގެ ފަޔަރ އެންޑް ރެސްކިއު ސާރވިސަށް ލިބިފައިވަނީ ބުރާސްފަތި ދުވަހުގެ ރޭ 21:30 ހާއިރުކަމަށެވެ.
ހާދިސާގައި އެއްވެސް މީހަކަށް ސީރިއަސް ޒަހަމްތަކެއް ލިބިފައިވާ ކަމެއް ނުވަތަ ނޫން ކަމެއް އެމްއެންޑީއެފުން މިހާތަނަށް ހާމަކޮށްފައެއް ނުވެ އެވެ. އެމްއެންޑީއެފުން ބުނީ "ރަނގަޅު 2" ނަމަކަށް ކިޔާ މި ދޯނި ދަތުރުކުރީ ހުޅުލެއިން މުދާ ހިފައިގެން ރ. އަތޮޅު ކުޑަފުށި ރިސޯޓަށް ކަމަށާއި ހާދިސާ ހިނގި އިރު 17 މީހުން ތިބި ކަމަށެވެ. އެއްވެސް މީހަކަށް ގެއްލުމެއް ލިބިފައި ނުވާ އިރު އިންޖީނުގައި ރޯވުމުން ދޯނި މީހުން ފޯމް ޖަހައިގެން އަލިފާންގަނޑު ނިއްވާލާފައިވާ ކަމަށް ވެސް އެމްއެންޑީއެފުން ބުންޏެވެ.
