ތާލިބާނުންގެ ހަމަލާއެއްގައި ސިފައިންގެ 43 މީހުން މަރުވެއްޖެ
19 އޮކްޓޯބަރު 2017 | ބުރާސްފަތި 09:42ޒަޚަމްވި މީހުންގެ އަދަދު 9 އަށް އަރާއިރު ޖަ މީހަކު ގެއްލިފައިވާކަަމަށް ވަނީ ރިޕޯޓްކޮށްފައި
ހަމަލާދިން އިރު ބޭސްގައި ސިފައިންގެ 60 މީހުން ތިބި
އަފްޣާނިސްތާނުގެ ދެކުނުގެ ކަންދަހާރުގައި އޮންނަ އަސްކަރީ ބޭސްއަކަށް ތާލިބާނުން ދިން ހަމަލާއެއްގައި ސިފައިންގެ 43 މީހުން މަރާލައިފިއެވެ.
ބުރާސްފަތި ދުވަހު ދިން މިހަމަލާތައް ފެށިގެން ގޮސްފައިވަނީ ޖާނުން ފިދާވެ ދިން ކާރު ބޮމުގެ ހަމަލާއަކުންނެވެ.
ހަމަލާތައް އެތައް ގަޑިއިރުތަކަކަށް ދެމިގެން ގޮސްފައިވެއެވެ.
މެންދަމުގެ ވަގުތުގައި ތާލިބާނުް ދިން މި ހަމަލާގައި ބޭސްގައި ތިބި 60 މީހުން ގެ ތެރެއިން 43 މީހުން މަރުވެ ނުވަ މީހުން ޒަޚަމްވެ ހަ މީހަކު ގެއްލިފައިވާކަމަށް ޑިފެންސް މިނިސްްޓްރީން ނެރުނު ބަޔާނެއްގައި ބުނެފައިވެއެވެ.
މައިވަންދް ޑިސްޓްރިކްޓްގެ ކަޝްމޯ ސަރަހައްދުގައި އޮންނަ މި ބޭސްގައި ދެވުނު ހަމަލާތަކުގައި ތާލިބާނުންގެ 9 މީހަކުވެސް މަރުވެފައިވާކަމަށް ވަނީ ރިޕޯޓް ކުރެވިފައެވެ.
މީޑިއާ މެދުވެރިކޮށް ނެރުނު ބަޔާނެއްގައި ތާލިބާނުންވަނީ ހަމަލާގެ ޒިންމާ ނަގާފައެވެ.
މިއީ ސަލާމަތީ ޚިދުމަތްތަކަށް އަމާޒުކޮށް މި ހަފްތާގައި ދެވުނު ތިންވަނަ ހަމަލާއެވެ. އަފްޣާނިސްތާނުގެ އިރުދެކުނުގައި ދިން އަންގާރަ ދުވަހު ދިން ހަމަލާގައި އަށްޑިހަ މީހުން މަރުވެ މަދުވެގެން 300 މީހުން ވަނީ ޒަޚަމްވެފައެވެ. އެ ހަމަލާއަކީ ވޭތުވެދިޔަ ފަސްމަސް ދުވަހުގެ ތެރޭގައި ދެވުނު އެންމެ ލޭ އޮހޮރުވުން ބޮޑު ހަމަލާއެވެ.
ޑިފެންސް މިނިސްޓްރީގެ ތަރުޖަމާނު ދަވްލަތު ވަޒީރީ އޭއެފްޕީއަށް ވިދާޅުވީ ހަމަލާދިން މީހާ ގޮވާތަކެތި އަރުވާފައިވާ އެއް ޓްރަކް ގޮއްވާލި ކަމަށެވެ.
