ފަރުކޮޅުފުއްޓާ ދިމާ ބޭރުން ކުނިތަކެއްގައި ރޯވި އަލިފާންގަނޑު ކޮންޓްރޯލްކޮށްފި
20 ނޮވެމްބަރު 2026 | ހުކުރު 15:39ފަރުކޮޅުފުއްޓާ ދިމާ ބޭރުން އެއްކޮށްފައި ހުރި ކުނިތަކެއްގައި ރޯވި އަލިފާންގަނޑު ސިފައިންނާއި ފުލުހުން ގުޅިގެން މިހާރު ވަނީ ކޮންޓްރޯލް ކޮށްފައި. މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވި ނަމަވެސް، އަލިފާނުގެ ސަބަބުން އުފެދުނު ދުމުގެ އަސަރު ހުޅުމާލެ ފޭސް 2 ގެ ބައެއް ފްލެޓްތަކަށް ވަނީ ކޮށްފައި. އަލިފާން އެއްކޮށް ނިއްވާލުމުގެ މަސައްކަތް ސިފައިން ދަނީ ކުރަމުން


ފަރުކޮޅުފުއްޓާ ދިމާ ބޭރުގަައި އެއްކޮށްފަައިހުރި ކުނިތަކެއްގައި ރޯވި އަލިފާންގަނޑުން ދުން އަރަނީ | ރާއްޖެއެމްވީ
ފަރުކޮޅުފުއްޓާ ދިމާ ބޭރުގަައި އެއްކޮށްފަައި ހުރި ކުނިތަކެއްގައި ރޯވި އަލިފާންގަނޑު މިހާރު ކޮންޓްރޯލް ކުރެވިފައިވާ ކަމަށް ފުލުހުން ބުނެފި އެވެ.
މީޑިއާތަކާ ހިއްސާ ކުރި މެސެޖެއްގައި ފުލުހުން ބުނީ ފަރުކޮޅުފުއްޓާ ދިމާ ބޭރުގަައި އެއްކޮށްފަައި ހުރި ކުނިތަކެއްގައި އަލިފާން ރޯވެފައިވާ ކަމުގެ މައުލޫމާތު ލިބިގެން ފުލުހުންނާއި އެމްއެންޑީއެފް ފަޔަރ އެންޑް ރެސްކިއު ސަރވިސަސް އިން ދަނީ ހަރަކާތްތެރިވަމުންދާ ކަމަށެވެ.
ރޯވި އަލިފާންގަނޑު މިހާރު ކޮންޓްރޯލް ކުރެވިފައިވީ ނަމަވެސް، އަލިފާން އެއްކޮށް ނިއްވާލުމުގެ މަސައްކަތް އެމްއެންޑީއެފް ފަޔަރ އެންޑް ރެސްކިއު ސަރވިސް އިން ކުރަމުންދާ ކަމަށް ވެސް ފުލުހުން ވަނީ ބުނެފަ އެވެ.
މި ހާދިސާގައި އެއްވެސް މީހަކަށް އަދި މުދަލަކަށް ގެއްލުންވި ކަމުގެ މައުލޫމާތު މިހާތަނަށް ލިބިފައިނުވާ ކަމަށް ވެސް ފުލުހުން ވަނީ ބުނެފަ އެވެ.
މި ހާދިސާގެ ސަބަބުން އެ ސަރަހައްދާ ކައިރިން ފޭސް 2 ގައި ހުރި ބައެއް ފްލެޓްތަކަށް ދުމުގެ އަސަރު ކޮންމެވެސް ވަރަކަށް ކޮށްފައިވާ ކަމަށް އެ ސަރަހައްދުގައި ދިރިއުޅޭ ފަރާތްތަކުން ވަނީ ރާއްޖެއެމްވީއާ މައުލޫމާތު ހިއްސާކޮށްފަ އެވެ.











