ސަރުކާރުން މަޖިލީހަށް ހުށަހަޅާފައިވާ ބިލުތަކަކީ ރާއްޖެ އާއި ދިވެހިންނަށް ބޮޑު ނުރައްކަލެއް: ފައްޔާޒް
10 ނޮވެމްބަރު 2026 | އަންގާރަ 07:40ސަރުކާރުން މަޖިލީހަށް ހުށަހެޅި ބިލުތަކަކީ ރައީސްގެ ބަހާއި އަމަލު ދިމާނުވާކަން ހާމަވާ ކަމެއް ކަމަށާއި، މީގެ ސަބަބުން ރާއްޖޭގެ ޑިމޮކްރަސީއަށް ބޮޑު ނުރައްކަލެއް އެބައޮތް ކަމަށް ފައްޔާޒް އިސްމާއީލް ވިދާޅުވެއްޖެ. ވަކިން ހާއްސަކޮށް ރިއަލް އެސްޓޭޓް ބިލުގެ ތެރެއިން ބިންތައް ދޫކޮށްލުމާއި އަބުރުގެ ބިލުން ހިޔާލުފާޅުކުރުން ހުއްޓުވަން މަސައްކަތް ކުރާކަމަށް އޭނާ ތުހުމަތު ކުރެއްވި
އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއީލް "ބޮޑުބަދަލު" ގަރާރު ހުށަހަޅުއްވަނީ | އެމްޑީޕީ ސެކްރިޓޭރިއެޓް
ސަރުކާރުން މަޖިލީހަށް ހުށަހަޅާފައިވާ ބިލުތަކަކީ ރާއްޖެ އާއި ދިވެހިންނަށް ބޮޑު ނުރައްކަލެއް ކަމަށް ކުރީ އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެއްޖެ އެވެ.
ފައްޔާޒް "އެކްސް" ގައި ކުރެއްވި ޕޯސްޓެއްގައި ވިދާޅުވީ، ސަރުކާރުން މަޖިލީހަށް ހުށަހަޅާފައިވާ ބިލުތަކުން ރައީސް ޑރ. މުހައްމަދު މުއިއްޒުގެ ބަހާއި އަމަލާ ދިމާނުވާކަން ސާފުވާ ކަމަށެވެ.
ހޯމަ ދުވަހު ސަރުކާރު ފަރާތުން ވަނީ މަރުގެ އަދަބު ކަނޑައެޅުމާއި އަދަބު ތަންފީޛު ކުރުމާބެހޭ ބިލާއި، ނަމާއި އަބުރު ރައްކާތެރިކުރުމުގެ ހައްޤުގެ ބިލާއި، ދިވެހިރާއްޖޭގެ އިމިގްރޭޝަންގެ ބިލު އަދި ރިއަލް އެސްޓޭޓް ވިޔަފާރީގެ ބިލު ރައްޔިތުންގެ މަޖިލީހަށް ހުށަހަޅާފަ އެވެ.
އެގޮތުން، ފައްޔާޒް ވިދާޅުވީ ގާނޫނުއަސާސީއާ ހިލާފަށް 99 އަހަރަށް ދިވެހި ބިން ދޫކޮށްލުމަށް ހީލަތްތެރި މާއްދާތަކެއް ރިއަލް އެސްޓޭޓު ބިލުގައި އެ އޮތީ ހިމަނާފައިވާ ކަމަށެވެ. އަދި ރަސްމާލެއާ ގުޅޭ ރެފަރެންޑަމަކަށް ގޮސްފިނަމަ ބޮޑުތަނުން ބަލިވާނެކަން ރައީސް މުއިއްޒުއަށް އެނގިވަޑައިގަންނަވާ ކަމަށާއި އެފަދަ ވޯޓަކަށް ގޮވާލުމަށް ވެސް ކެރިވަޑައިނުގެންނެވިީ އެހެންވެ ކަމަށް ފައްޔާޒް ވިދާޅުވި އެވެ.
ހަމައެއާއެކު، އަބުރުގެ ބިލަކީ މި ރާއްޖޭގައި އޮތް ޑިމޮކްރަސީ ނައްތާލައި ސަރުކާރާ ދެކޮޅު އަޑުތައް އެއްކޮށް ކަނޑުވާލުމަށް ހުށަހެޅި ބިލެއް ކަމަށާއި ބުނާ ބަހަކުން، ލިޔާ ލިޔުމަކުން، ކިޔާ ލަވައަކުން، ކުރާ އިޝާރާތަކުން ދިވެހިން ކުށްވެރިއެއް ނުކުރެވޭނެ ކަމަށް ފައްޔާޒް ވިދާޅުވި އެވެ.
މީގެ އިތުރުން މަރުގެ އަދަބުގެ ވާހަކަ އަލުން އެ ދެއްކެވީ ވެސް ރަސްމާލެއާ ދެކޮޅު އަޑުތައް ކަނޑުވާލުމަށް ކަމަށް ވެސް ފައްޔާޒް ވަނީ ތުހުމަތު ކުރައްވާފަ އެވެ.
މީގަ އަޅުގަނޑުމެންނަށް އުފެދޭ ސުވާލަކީ ރަސްމާލެ ކަންތަކުގައި ދީނީ ތޮއިޕެއް އަޅައިގެން ވެރިކަމަށް ވަޑައިގެންނެވި ބޭފުޅަކު އެ މުޅިން ދީނާއި ހިލާފު ދީން ދެކެ ލޯބި ނުވާކަން ސާފުވަމުން ރައްޔިތުންނަށް ދާ ވަގުތެއްގައި ކުއްލިއަކަށް މަރު، ކުށްވެރިން މަރާނެ ވާހަކަ ދައްކަން މި ޖެހެނީ އަޅުގަނޑުމެންގެ މުޖުތަމައުގައި އެބައޮތް ކޮންމެވެސް ވަރަކަށް މަރުގެ ހުކުމް ތަންފީޒް ކުރުމަށް ތާއީދު ކުރައްވާ ބަޔަކު އަޅުގަނޑު ގަބޫލު ކުރާ ގޮތުގައި މި ބޭނުމަކީ ރަސްމާލޭގައި ގެންދަވާ ލާދީނީ ކަންކަން އޮއްބާލަން ބައެއްގެ އަޑު ކަނޑުވާލުމަށް ކުރާ ކަމެއްފައްޔާޒް އިސްމާއީލް
އެހެންކަމުން، ފައްޔާޒް ވިދާޅުވީ ސަރުކާރުން މަޖިލީހަށް ހުށަހަޅާފައިވާ ބިލުތަކަކީ ރާއްޖެ އާއި ދިވެހިންނަށް ބޮޑު ނުރައްކަލެއް ކަމަށެވެ.
