ސްކޭމްކޮށްގެން މީހެއްގެ އެކައުންޓުން ބައި ލައްކައަށް ވުރެ ގިނަ ފައިސާއާއި ގިނަ އަދަދެއްގެ ޑޮލަރު ފޭރުނުކަމުގެ ތުހުމަތުގައި 4 މީހުން ހައްޔަރުކޮށްފި
1 ނޮވެމްބަރު 2026 | އާދީއްތަ 17:18އޯޓީޕީ ކޯޑު ހޯދައިގެން މީހެއްގެ އެކައުންޓުން 63،000 ރުފިޔާއާއި 21،000 ޑޮލަރު ފޭރުނު މައްސަލައެއްގައި ތުހުމަތުކުރެވޭ 4 ފިރިހެނުން ފުލުހުން ވަނީ ހައްޔަރުކޮށްފައި. މި މައްސަލައާ ގުޅިގެން ހައްޔަރުކުރި މީހުން ކޯޓަށް ހާޒިރުކުރުމުން، އެކަކު 10 ދުވަހަށް އަދި ބާކީ ތިބި ތިން މީހުން 15 ދުވަހުގެ މުއްދަތަށް ބަންދު ކުރުމަށް އަމުރުކޮށްފައިވޭ
ސްކޭމްކޮށްގެން މީހެއްގެ އެކައުންޓުން ބައިލައްކައަށް ވުރެ ގިނަ ފައިސާއާއި ގިނަ އަދަދެއްގެ ޑޮލަރު ފޭރުނުކަމުގެ ތުހުމަތުގައި ހައްޔަރުކުރި 4 މީހުން | މޯލްޑިވްސް ޕޮލިސް ސާރވިސް
ސްކޭމްކޮށްގެން މީހެއްގެ އެކައުންޓުން ފައިސާ ފޭރުނުކަމުގެ ތުހުމަތުގައި ހަތަރު މީހުން ހައްޔަރުކޮށްފި އެވެ.
އާދިއްތަ ދުވަހު ފުލުހުން ބުނީ، 2026 އޮކްޓޫބަރު 24 ވަނަ ދުވަހު ކާކުކަން ނޭނގޭ ފަރާތަކުން، މީހަކަށް ގުޅައިގެން އޯޓީޕީ ކޯޑު ހޯދައި، އެ ކޯޑު ބޭނުންކޮށްގެން ބެންކު އެކްސެސް ހޯދައި، މީހެއްގެ އެކައުންޓުން 63,000 ރުފިޔާ އާއި 21,000 ޑޮލަރު މަކަރާއި ހީލަތުން ފޭރުނު މައްސަލައެއް ހުށަހަޅާފައިވާ ކަމަށެވެ.
މި މައްސަލައާ ގުޅިގެން ޏ. ފުވައްމުލައް / ދޫޑިގަން، ގޯލްޑަންގޭޓް، އިބްރާހީމް ޝާރިފް (34އ) އާއި ފ. ފީއަލި / މަތަރެސްމާގެ، ޖިނާޙު އަހުމަދު (29އ) އާއި ފ. ނިލަންދޫ / ނަޒުމު، އިބްރާހީމް މުއާޒު (38އ) އަދި ލ. ގަން / މަތިމަރަދޫ. ލިލީނައިޓް، އަލީ ދާއިން (21އ) ހައްޔަރުކޮށްފައިވާ ކަމަށް ފުލުހުން ބުނެ އެވެ.
ފުލުހުން ބުނީ، މި މީހުންގެ ތެރެއިން ތިން މީހުން ހައްޔަރުކުރީ އޮކްޓޫބަރު 28 ވަނަ ދުވަހު ކަމަށާއި އަނެއް މީހާ ހައްޔަރުކުރީ އޮކްޓޫބަރު 29 ވަނަ ދުވަހު ކަމަށެވެ.
މީގެ އިތުރުން ފުލުހުން ބުނީ، މި މައްސަލައާ ގުޅިގެން ހައްޔަރުކުރި މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ޖިނާހު އަހުމަދު 10 ދުވަހަށް އަދި ދެންތިބި ތިން މީހުން ވެސް 15 ދުވަހަށް ބަންދު ކުރުމަށް އަމުރުކޮށްފައިވާ ކަމަށެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
