އެމެރިކާގެ މަޔާމީގައި ބާއްވާ ޖީ20ގެ ސަމިޓުގައި ޕުޓިން ބައިވެރިވެވަޑައިގަންނަވާނެތަ؟
21 އޮކްޓޯބަރު 2026 | ބުދަ 07:12މަޔާމީގައި ބާއްވާ ޖީ20 ސަމިޓުގައި ރަޝިޔާގެ ރައީސް ވްލަޑިމިއަރ ޕުޓިން ބައިވެރިވެވަޑައިގަތުމުގެ ފުރުސަތު ބޮޑު ކަމަށް އެމެރިކާގެ ޚާރިޖީ ވަޒީރު މާކޯ ރޫބިޔޯ ވިދާޅުވެއްޖެ. ރަޝިޔާއަކީ ޖީ20 ގެ މެންބަރަކަށް ވާތީ، އެމެރިކާގައި ބާއްވާ ސަމިޓުތަކުގައި އެ ޤައުމުން ބައިވެރިވާނެ ކަމުގެ ޔަގީންކަން ރޫބިޔޯ ވަނީ ދެއްވާފައި. އެހެންކަމުން، ޚާރިޖީ ވަޒީރު ސަރްގޭ ލެވްރޮފް ވެސް މި ބައްދަލުވުންތަކަށް ވަޑައިގަންނަވާނެ ކަމަށް ބެލެވޭ ކަމަށް އޭނާ ވިދާޅުވި
ރަޝިޔާގެ ރައީސް ވްލަޑިމިޔަރ ޕުޓިން ބައްދަލުވުމެއްގައި ބައިވެރިވެވަޑައިގަންނަވަނީ | އަނަދޮލު އޭޖެންސީ
ރަޝިޔާގެ ރައީސް ވްލަޑިމިޔަ ޕުޓިން މަޔާމީގައި ބާއްވާ ގްރޫޕް އޮފް 20 ގެ (ޖީ20) ސަމިޓުގައި ބައިވެރިވެވަޑައިގަންނަވާނެ ކަން ކަށަވަރުކޮށްދެވެން ވޮޝިންގޓަނަށް ނެތް ނަމަވެސް، އޭނާ ސަމިޓުގައި ބައިވެރިވެވަޑައިގަތުމުގެ ފުރުސަތު ބޮޑު ކަމަށް އެމެރުކާގެ ޚާރިޖީ ވަޒީރު މާކޯ ރޫބިޔޯ ވިދާޅުވެއްޖެ އެވެ.
"މަޔާމީގައި ބާއްވާ ސަމިޓަށް ޕުޓިން ވަޑައިގަތުމުގެ ފުރުސަތު ވެސް އެބައޮތް، އެކަމަކު އަދި އެކަން އަޅުގަނޑުމެންނަށް ކަށަވަރެއް ނުވޭ،" އިންޑިޔާގައި ނޫސްވެރިންނާ ވާހަކަފުޅު ދައްކަވަމުން ރޫބިޔޯ ވިދާޅުވި އެވެ. ރޫބިޔޯ މި މޭރުމުން ވިދާޅުވީ، ރަޝިޔާގެ ޚާރިޖީ ވަޒީރު ސަރްގޭ ލެވްރޮފް މަޔާމީގައި ބާއްވާ ޖީ20 ސަމިޓުގައި ނުވަތަ އެޓްލާންޓާގައި ބާއްވާ ޚާރިޖީ ވަޒީރުންގެ ބައްދަލުވުމުގައި ބައިވެރިވެވަޑައިގަންނަވާނެތޯ ދެންނެވުނު ސުވާލަކާ ގުޅިގެންނެވެ.
"ރަޝިޔާ އޮތީ ޖީ20 ގެ ބައެއްގެ ގޮތުގައި ބައިވެރިވުމަށް ދައުވަތު ދެވިފައި، ރައީސް [ޑޮނަލްޑް ޓްރަމްޕް] ވަނީ އެ ގޮތަށް ނިންމަވާފައި. އެހެންކަމުން މިއިން ކޮންމެ ސަމިޓެއްގައި ވެސް އެ ޤައުމު ތަމްސީލުކުރާނެކަން ކަށަވަރު،" ރޫބިޔޯ ވިދާޅުވި އެވެ.
ލެވްރޮފް އެޓްލާންޓާގެ ބައްދަލުވުމަށް ވަޑައިގަންނަވާނެތޯ ސުވާލު ދެންނެވުމުން، އެ ކަން އެނގިވަޑައިނުގަންނަވާ ކަމަށާއި، ނަމަވެސް އޭނާ ވަޑައިގަންނަވާފާނެ ކަމަށް ބެލެވޭ ކަމަށް ރޫބިޔޯ ވިދާޅުވި އެވެ.
"އޭނާ ވަޑައިގަންނަވާނެ ކަމެއް އަޅުގަނޑަކަށް ނޭނގޭ. އަޅުގަނޑު އުއްމީދު ކުރަނީ އޭނާ ވަޑައިގަންނަވާނެ ކަމަށް. އެންމެ ފަހުން އަޅުގަނޑުމެން މުއާމަލާތު ކުރިއިރު އޭނާ ވަޑައިގަންނަވާނެ ކަމަށް ވިދާޅުވި. އެހެންވީމާ އެ މީހުންނަކީ [ރަޝިޔާއަކީ] ޖީ20 ގެ ބައެއް، އަދި، އެ ބައްދަލުވުމުގައި ރަޝިޔާއިން ބައިވެރިވާނެ،" ރޫބިޔޯ ވިދާޅުވި އެވެ.
މަސްދަރު: އަނަދޮލު އޭޖެންސީ
