ނެޝަނަލް ޑްރަޖް ކޮންޓްރޯލް ކައުންސިލް މަސައްކަތް ނުކުރާތީ އެމްޑީޕީން ކަންބޮޑުވުން ފާޅުކޮށްފި
20 އޮކްޓޯބަރު 2026 | އަންގާރަ 08:17ނެޝަނަލް ޑްރަގް ކޮންޓްރޯލް ކައުންސިލްގެ ބައްދަލުވުންތައް ނުބާއްވައި، މަސްތުވާތަކެތީގެ މައްސަލަ ހައްލުކުރާނެ ސިޔާސަތެއް މި ސަރުކާރުގައި ނެތުމުން އެމްޑީޕީން ވަނީ ކަންބޮޑުވުން ފާޅުކޮށްފައި. އެންޑީއޭގެ ރަނގަޅު ސީއީއޯ އެއް ނެތުމާއި، ފަރުވާގެ ނިޒާމަށް ބޭނުންވާ ވަސީލަތްތައް ހަލާކުވެފައިވާތީ އެ އެޖެންސީ އޮތީ "ކޯމާއެއްގައި" ކަމަށް އެ ޕާޓީން ސިފަކުރި
އެމްޑީޕީއިން ބޭއްވި ނޫސްވެރިންގެ ބައްދަލުވުމުގެ ތެރެއިން | ރާއްޖެ އެމްވީ
ނެޝަނަލް ޑްރަޖް ކޮންޓްރޯލް ކައުންސިލް (އެންޑީސީސީ) މަސައްކަތް ނުކުރާތީ ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އިން ކަންބޮޑުވުން ފާޅުކޮށްފި އެވެ.
އެމްޑީޕީގެ ޕަބްލިކް ޕްރޮޓެކްޝަން ކޮމިޓީއިން ބޭއްވި ނޫސްވެރިންގެ ބައްދަލުވުމުގައި އެ ކޮމިޓީގެ މުގައްރިރު މުހައްމަދު ސޮބްރީ ވިދާޅުވީ، މަސްތުވާތަކެތީގެ ގާނޫނުގެ ބެލެހެއްޓެނެވި ފަރާތަކީ ނެޝަނަލް ޑްރަގް ކޮންޓްރޯލް ކައުންސިލް ކަމަށާއި، އެ ކައުންސިލް މިހާރު މަސައްކަތް ނުކުރާ ކަމަށެވެ. އަދި މި ކައުންސިލުން ބައްދަލުވުންތައް ނުބާއްވާ، ނިންމަން ޖެހޭ ނިންމުންތައް ނުނިންމުމުގެ ސަބަބުން ވަރަށް ގިނަ ކަންތައްތައް ތަންފީޒު ކުރުމުގައި މައްސަލަތައް ދިމާވަމުންދާ ކަމަށް ސޮބްރީ ވިދާޅުވި އެވެ.
އެގޮތުން، އެންމެ އަސާސީ ކަމަކީ ސިޔާސަތެއް އޮތުން ކަމަށާއި ވެރިކަމަށް ވަޑައިގަންނަވާއިރު ރާއްޖޭގައި އޮތް އެންމެ ބޮޑު މައްސަލަ ކަމަށްވާ މަސްތުވާތަކެތީގެ މައްސަލައަށް ސިޔާސަތެއް ނެތުމަކީ ވަރަށް ކަންބޮޑުވާ ކަމެއް ކަމަށް ސޮބްރީ ވިދާޅުވި އެވެ. ހަމައެއާއެކު ނެޝަނަލް ޑްރަގް އެޖެންސީ (އެންޑީއޭ) ހެލްތް މިނިސްޓްރީގެ ދަށުގައި އޮއްވާ ހޯމް މިނިސްޓްރީގެ ބެލުމުގެ ދަށަށް ބަދަލުކުރުމުން ރަނގަޅަށް މަސައްކަތް ނުކުރާ ކަމަށް ވިދާޅުވެ ސޮބްރީ ވަނީ ކަންބޮޑުވުން ފާޅުކުރައްވާފައި އެވެ.
ވެރިކަމުގެ ވަރަށް ކުރީ ކޮޅުގައި ނެޝަނަލް ޑްރަގް އެޖެންސީ ހެލްތް މިނިސްޓްރީން ހޯމްލައިން މިނިސްޓްރީއަށް ބަދަލުކުރި ބަދަލުކުރުމަކީ ވެސް އަޅުގަނޑުމެންނަށް އޭރު ވެސް ކަންބޮޑުވުން ފާޅުކުރިން އަދި މިހާރު އޭގެ ނަތިޖާ މުޅިން އަޅުގަނޑުމެން ބޭނުންވާ ގޮތަށް ނޫނީއާ އަޅުގަނޑުމެން ސޮއިކޮށްކުރި ޔޫއެން ކޮންވެންޝަންގެ އަސާސްތަކާއި ވެސް ހިލާފުވާ ގޮތަށް ނަތީޖާތައް ނުކުންނަމުން އަންނަ ވާހަކަމުހައްމަދު ސޮބްރީ
މީގެ އިތުރުން، ދުވަހުން ދުވަހަށް ނިންމަން ޖެހޭ މަސައްކަތްތަކުގައި އެންމެ އިސް ދައުރެއް އަދާކުރާ ފަރާތަކީ ސީއީއޯކަން ފާހަގަކުރައްވައި ސޮބްރީ ވަނީ އެންޑީއޭގެ ބޯޑުން ހަދާފައިވާ ކްރައިޓީރިއާ ހަމަވާ ސީއީއޯއެއް ނެތުމުން ކަންބޮޑުވުން ފާޅުކުރައްވާފައި އެވެ. އަދި އެންޑީއޭގައި މިވަގުތު ނަފްސާނީ ޑޮކްޓަރެއް ނެތުމުން ވެސް ސޮބްރީ ވަނީ ކަންބޮޑުވުން ފާޅުކުރައްވާފައި އެވެ.
އަދި އެ މުއައްސަސާގެ ފަރުވާދިނުމުގެ ނިޒާމު ދެވޭ ފަރުވާއަކީ ރަނގަޅު ފަރުވާއެއްތޯ ނޫނީއާ ދެވޭ ފަރުވާގެ އަސަރު ފަރުވާ ލިބޭ މީހާއަށް އެބަ ކުރޭތޯ ބަލަން މި އޮންނަ މިންގަނޑަކީ އާންމުކޮށް މިގެންގުޅޭ މިންގަނޑަކީ އޭނަގެ ކުޑަކަމުދާ ތަކެތީގެ ނިޒާމު ޓެސްޓް ކުރުން. އެ ނިޒާމު ޓެސްޓް ކުރަން މިވީ 2 އަހަރާއި ބައި ތެރޭގައި 6 މަސްދުވަހުގެ ސްޓޮކް އެބޭފުޅުންނަށް ގެންގުޅުވިފައި ނެތް، މިހާރު އެ ސްޓޮކް އެބަހުރި އެކަމަކު މިހާރު ވެސް މި ޓެސްޓް ކުރުމަށް ބޭނުންވާ މެޗިން އޮތީ ހަލާކު ވެފައިމުހައްމަދު ސޮބްރީ
ސޮބްރީ ވަނީ އެންޑީއޭ އޮތީ ވަރަށް ބޮޑު ކޯމާއެއްގައި ކަމަށާއި އެ އެޖެންސީއަށް ފަރުވާއެއް ބޭނުންވާ ކަމަށް ވިދާޅުވެފައި އެވެ.
