ގޫގުލް އަށް އައްޑޫއިން ދޭން ބުނި ބިމުން ކުލި ނަގާނަން: މޭޔަރު ނިޒާރު
24 ޖުލައި 2026 | ހުކުރު 16:35ގޫގުލް އިން އައްޑޫގައި ގާއިމުކުރާ ސަބްމެރިން ކޭބަލް ސްޓޭޝަނަށް ދޫކުރި ބިމުން ކައުންސިލަށް ކުލި ހޯދުމަށް މަސައްކަތް ކުރައްވާނެ ކަމަށް މޭޔަރު އަލީ ނިޒާރު ވިދާޅުވެއްޖެ. ސަރުކާރުން މި ބިން ހިލޭ ދިނުމަށް ކުރިން ނިންމާފައިވީ ނަމަވެސް، މިއީ ބޮޑު އިންވެސްޓްމެންޓަކަށް ވާތީ އެކަށީގެންވާ ކުއްޔެއް ނަގާނެ ކަމުގެ ޔަގީންކަން މޭޔަރު ވަނީ ދެއްވާފައި
އައްޑޫ ސިޓީގެ މޭޔަރު އަލީ ނިޒާރު | ރާއްޖެއެމްވީ
ގޫގުލް އިން އައްޑޫ ސިޓީގައި އިންޓަނޭޝަނަލް ސަބްމެރިން ކޭބަލް ލޭންޑިން ސްޓޭޝަނަކާއި ނެޓްވޯކް ފެސިލިޓީ ހެދުމަށް ދީފައިވާ ބިމުން އެ ސިޓީ ކައުންސިލުން ކުލި ނަގާނެ ކަމަށް އައްޑޫ ސިޓީގެ މޭޔަރު އަލީ ނިޒާރު ވިދާޅުވެއްޖެ އެވެ.
ފޭސްބުކްގައި ރައްޔިތުންނާ މުޙާތަބު ކުރައްވަމުން ނިޒާރު ވިދާޅުވީ ގޫގުލް އަށް ދޫކުރި ބިމުގެ ވާހަކަ ކުރިން ނުދެއްކި ނަމަވެސް ގޫގުލްގެ އަތުން ނަގަން ހަމަޖެހިފައިވާ ކުލި ޔަގީން ކަމާއެކު ނަގާނެ ކަމަށެވެ.
ގޫގަލްއަށް ދޫކުރެވުނު ބިމުގެ ވާހަކަ ކުރިން ޕަބްލިކުގައި ނުދައްކަން، ސަރުކާރުން ބޭނުންވި ގޮތަށް އެކަން ކުރަން އަޅުގަނޑުމެން ނިންމައިގެން މިތިބީ އެހެންނަމަވެސް އަޅުގަނޑު ޔަގީން ކަމާއެކު ރައްޔިތުންނަށް ދޭނެ ޔަގީންކަމަކީ ގޫގަލް ބިމުން ލިބެންޖެހޭ ކުލި އައްޑޫ ސިޓީ ކައުންސިލަށް ހޯދުމަށްޓަކައި އަޅުގަނޑު މަސައްކަތް ކުރާނަންމޭޔަރު އަލީ ނިޒާރު
ހަމާއެއާއެކު މި މަޝްރޫޢުއަށް ކިތަންމެ ބޮޑު އިންވެސްޓްމެންޓެއް ގޫގުލް އިން ކޮއްފައިވީ ނަމަވެސް އެ އިންވެސްޓްމެންޓާ ގުޅޭ ވަރަށް ކުލި ނަގާނެ ކަމަށް މޭޔަރު ވިދާޅުވި އެވެ.
މި މަޝްރޫއަކީ ރާއްޖެ އާއި އޮމާން އަދި ކްރިސްމަސް އައިލެންޑް ކަނޑުއަޑީގެ ކޭބަލް ސިސްޓަމަކުން ގުޅާލުމަށް 2025 ވަނަ އަހަރުގެ ނޮވެމްބަރުގައި އެއްބަސްވެފައިވާ މަޝްރޫއެކެވެ. މި މަސައްކަތަށް ގޫގުލް އަށް ދިނުމަށް ހަމަޖެހިފައިވާ 1.5 ހެކްޓަރުގެ ބިން ހިލޭ ދިނުމަށް ވެސް ސަރުކާރުން ވަނީ އޭރު އެއްބަސްވެފަ އެވެ.
