ސިޓީތަކުން ބުނީ އެމްޑީޕީގެ މޭޔަރުންނާއި އެކު ކުރި ތަޖުރިބާ ރަނގަޅު ކަމަށް: ހުރިހާ ގޮނޑި އެއް އެމްޑީޕީ އަށް!
ލޯކަލް ކައުންސިލް އިންތިޚާބުގެ ވަގުތީ ނަތީޖާ ދައްކާގޮތުން، ރާއްޖޭގެ ފަސް ސިޓީއެއްގެ މޭޔަރުކަން އެމްޑީޕީގެ ކެނޑިޑޭޓުން ކާމިޔާބުކޮށްފައިވާއިރު، މީގެ ތެރޭގައި ހިމެނެނީ މިހާރުވެސް އެ މަގާމުތަކުގައި ތިއްބެވި ބޭފުޅުން.
ސިޓީތަކުގެ މޭޔަރުން - އައްޑޫގެ މޭޔަރ ނިޒާރު، މާލޭގެ މޭޔަރ އާޒިމް، ތިނަދޫގެ މޭޔަރ އާދަމް އާޒިމް، ކުޅުދުއްފުށީ މޭޔަރ އާތިފް، ފުވައްމުލައް މޭޔަރ އިސްމާއީލް. | ސޯޝަލް މީޑިއާ | ސޯޝަލް މީޑިއާ
މިހާރު ސިޓީތަކުގެ މޭޔަރުކަން ކުރަމުންދާ މޯލްޑިވިއަން ޑިމޮކްރަޓިކް ޕާޓީ (އެމްޑީޕީގެ) މޭޔަރުންގެ ތަޖުރިބާ ބަލައިގަނެ ލޯކަލް ކައުންސިލް އިންތިޚާބުގައި އެ ކެނޑިޑޭޓުންނަށް ސީޓީތަކުން އާނއެކޭ ބުނެފި އެވެ.
ވަގުތީ ނަތީޖާ އިން ދައްކާ ގޮތުން ސިޓީތަކުގެ މޭޔަރުކަން ހޯއްދަވާފައިވާ ގޮތަށް ބަލާ ނަމަ އައްޑޫގެ މޭޔަރ ކަމަށް އަލީ ނިޒާރު، މާލޭގެ މޭޔަރ ކަމަށް އާދަމް އާޒިމް، ތިނަދޫގެ މޭޔަރ ކަމަށް ސައުދު އަލީ، ކުޅުދުއްފުށީ މޭޔަ ކަމަށް މުހައްމަދު އާތިފް، ފުވައްމުލައް މޭޔަރ ކަމަށް އިސްމާއީލް ރަފީގް ވަނީ ހޮވިފަ އެވެ.
ސިޓީތަކުން ބޮޑު މެޖޯރިޓީ އެއް އެމްޑީޕީ އިން ހޯދާފައި މި ވަނީ ސިޓީތަކުގެ ގޮނޑިތައް ކާމިޔާބު ކުރުމަށް ސަރުކާރުން ވަރަށް ބޮޑަށް ކެމްޕެއިންކުރުމުގެ އިތުރުން، ވަޒީފާ އާއި އެހެނިހެން ގޮތް ގޮތުން ނުފޫޒު ފޯރުވައިގެން ކައުންސިލް އިންތިޚާބާއި ޑަބްލިއުޑީސީ އިންތިޚާބު ކާމިޔާބުކުރުމަށް މަސައްކަތް ކޮށްފައި ވަނިކޮށެވެ.
މިހާރު އެމްޑީޕީގެ ޓިކެޓްގައި މޭޔަރ ކަމަށް ހޮވިފައިވާ 5 ބޭފުޅުންނަކީ ވެސް މިހާރު ވެސް އެ މަޤާމުގައި ތިއްބެވި ބޭފުޅުންނެވެ. އެހެންކަމުން އެމްޑީޕީގެ މޭޔަރުންނާއި އެކު ކުރެވުނު ތަޖުރިބާ ރަނގަޅު ކަމަށް އެ ސިޓީތަކުގެ އާއްމުން ބަލައިގަނެ އެވެ.
ވަގުތީ ނަތީޖާތައް ދައްކާ ގޮތުގައި ކައުންސިލުގެ ގިނަ ގޮނޑިތައް ވެސް ކާމިޔާބުކޮށްފައި ވަނީ އެމްޑީޕީ އިންނެވެ. މީގެ އިތުރުން ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލަން ފެނޭތޯ ބަލަން ނެގި ފެންނަ ނުފެންނަ ވޯޓުގައި ދެ އިންތިޚާބު އެއްކޮށްލަން އާއްމުން ވަނީ ބޮޑުތަކުން ނޫނެކޭ ބުނެފަ އެވެ.
