ޓްރަމްޕްގެ ޕޯސްޓެއްގައި ﷲ އަށް ހަމްދު ކުރާ ކަމަށް ވިދާޅުވެ، އޭނާ އަވަހާރަ ކޮށްލައިފި ނަމަ އީރާނަށް ހަމަލާ ދިނުމަށް 1000 މިސައިލް ތައްޔާރަށް ހުރި ކަމަށް ވިދާޅުވެއްޖެ

އެމެރިކާގެ ރައީސް އަވަހާރަކޮށްލަން އީރާން އިން މަސައްކަތްކޮށް، އެކަން ކާމިޔާބު ކޮށްފި ނަމަ އެ ޤައުމަށް ވަރުގަދަ ހަމަލާ ތަކެއް ދޭނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް ދެއްވައިފި އެވެ. 

ޓްރުތު ސޯޝަލް މީޑިއާގައި ކުރެއްވި ޕޯސްޓެއްގައި ޓްރަމްޕް ވިދާޅުވީ، އީރާން އަށް އަމާޒުކޮށް 1000 މިސައިލް ފޮނުވާލަން ތައްޔާރު ކޮށްފައިވާ ކަމަށާއި، އީރާން އިން އެމެރިކާގެ ރައީސް އަވަހާރަކޮށްލައިިފި ނަމަ، އިތުރު މިސައިލް ވެސް ބޭނުން ކުރާނެ ކަމަށެވެ. ޓްރަމްޕް ވިދާޅުވީ، އެމެރިކާާގެ ރައީސް އަވަހާރަކޮށްލާނެ ކަމަށް ބުނެ، އީރާން އިން އެކަމުގެ ބިރު ދައްކާފައިވާ ކަމަށެވެ.

އެ އިންޒާރުގައި ޓްރަމްޕް ވިދާޅުވީ އެމެރިކާގެ ސިފައިިން ތިބީ ތައްޔާރީ ޙާލަތުގައި ކަމަށާއި، އަމުރާ އެއްގޮތަށް އީރާާންގެ ހުރިހާާ ސަރަހައްދެއް ހަލާކު ކޮށްލައި، ނައްތާލުމަށް ވެސް ތައްޔާރަށް ތިބި ކަމަށެވެ. އެ ޕޯސްޓު ނިންމާލައްވަމުން ޓްރަމްޕް ވިދާޅުވެފައި ވަނީ، ﷲ އަށް ހަމްދު ހުރި ކަމަށެވެ. މިއީ ޓްރަމްޕްގެ ޕޯސްޓެއްގައި މިފަދަ ވާހަކައެއް ވިދާޅުވި ފުރަތަމަ ފަހަރު ކަމަށް ފާހަގަވެފައިވެ އެވެ.

ޓްރަމްޕް ވިދާޅުވީ އޭނާ ކަނޑައަޅާފައިވާ މުއްދަތަށް އެކަން ކުރުމަށް އެމެރިކާގެ ސިފައިން ތިބީ ތައްޔާރަށް ކަމަށެވެ. އެމެރިކާގެ ރައީސް އަށް އީރާން އިން ބިރު ދައްކައި، އެފަދަ ހަމަލާއެއް ދީފި ނަމަ، އެމެރިކާ އިން ދޭނީ ބާރުގަދަ ޖަވާބެއް ކަމަށް ވެސް ޓްރަމްޕް ވިދާޅުވި އެވެ. 

މިފަދަ އިންޒާރެއް ޓްރަމްޕް ދެއްވާފައިވާއިރު، އެމެރިކާގެ އިސްވެރިންނަށް އަމާޒުކޮށް ހަމަލާ ދިނުމަށް އީރާން އިން މަސައްކަތް ކުރާ ކަމަށް މީގެ ކުރިން ވެސް ރިޕޯޓު ތަކުގައި ވަނީ ބުނެފައި އެވެ. ޚާއްސަކޮށް އެމެެރިކާ އާއި އިސްރާއީލުން ދިން ހަމަލާ ތަކެއްގައި އީރާންގެ ކުރީގެ ރޫހާނީ ލީޑަރު އާޔަތުﷲ އަލީ ޚާމަނާއީ އާއި، އެ ޤައުމުގެ އިސްވެރިން އަވަހާރަ ކޮށްލުމުގެ ބަދަލު ހިފަން އީރާން އިން ބޭނުންވާ ކަމަށް ވެސް ބުނެފައިވެ އެވެ.