ވޯލްޑްކަޕް ގެ ފައިނަލާ ދިމާކޮށް، ސިމްޑީގެ ޚާއްސަ ޕްރޮމޯޝަނަކާއި "ޕްރެޑިކްޓް އެންޑް ވިން" ސޯޝަލް މީޑިއާ މުބާރާތެއް!

ފީފާ ވޯލްޑް ކަޕް 2026 ގެ ފޯރިގަދަ ފައިނަލް ބުރުގެ މެޗުތަކާ ދިމާކޮށް، ސިމްޑީ ޓެކުން ހާއްސަ ޕްރޮމޯޝަނަކާއި "ޕްރެޑިކްޓް އެންޑް ވިން" ސޯޝަލް މީޑިއާ މުބާރާތެއް ފަށައިފި އެވެ. މި މަހުގެ 2 ވަނަ ދުވަހުން ފެށިގެން 31 ޖުލައިގެ ނިޔަލަށް ކުރިއަށްދާ މި ހަރަކާތްތަކަކީ ފުޓްބޯޅައަށް ލޯބިކުރާ ފަރާތްތަކަށް ވޯލްޑް ކަޕްގެ ފޯރީގައި ބައިވެރިވުމުގެ ފުރުސަތު ދިނުމަށާއި، ލެނޯވޯ ބްރޭންޑުގެ އުފެއްދުންތަކުން ހާއްސަ ޑިސްކައުންޓްތަކެއް ފޯރުކޮށްދިނުމަށް ހިންގާ ކެމްޕޭނެކެވެ.

މި ކެމްޕޭނުގެ ދަށުން ކުރިއަށްގެންދާ "ޕްރެޑިކްޓް އެންޑް ވިން" މުބާރާތުގައި ބައިވެރިވެގެން މެޗުތަކުގެ ނަތީޖާ ދިމާކުރާ ފަރާތްތަކުގެ ތެރެއިން އެންމެ ގިނަ ޕޮއިންޓް ހޯދާ ފަރާތަކަށް ލެނޯވޯ އައިޑިއާޕެޑް 5 ޓޫ-އިން-ވަން (14 އިންޗި) ލެޕްޓޮޕެއް ލިބޭނެ އެވެ. މި މުބާރާތުގައި މެޗުތަކުގެ ނަތީޖާ ދިމާކުރަން ޖެހެނީ ވޯލްޑް ކަޕްގެ ގަދަ 16 އިން ފެށިގެން ފައިނަލް މެޗާ ހަމައަށެވެ. ކޮންމެ މެޗެއްގެ ނަތީޖާ ރަނގަޅަށް ދިމާކުރާ ކޮންމެ ފަރާތަކަށް 5 ޕޮއިންޓް ލިބޭއިރު، މުބާރާތުގެ ލީޑަރބޯޑު ދޭތެރެދޭތެރެއިން އާންމުކުރަމުންދާނެ ކަމަށް ސިމްޑީ ޓެކުން ބުނެ އެވެ.

މި މުބާރާތުގައި ބައިވެރިވުމަށްޓަކައި ސިމްޑީ ޓެކްގެ އިންސްޓަގްރާމް ޕޭޖް ފޮލޯކޮށް، މެޗުތަކުގެ ނަތީޖާ ދިމާކުރުމަށް އާންމުކުރާ ޕޯސްޓްތަކަށް ލައިކް ދީ ޝެއަރ ކުރަންޖެހެ އެވެ. އަދި ކޮންމެ މެޗެއް ފެށުމުގެ ކުރިން އެ މެޗަކުން މޮޅުވާނެ ކަމަށް ލަފާކުރާ ޓީމެއްގެ ނަން ކޮމެންޓް ކުރަންޖެހޭނެ އެވެ. މުބާރާތުގެ އުސޫލުގައިވާ ގޮތުން ކޮންމެ މީހަކަށްވެސް ކޮމެންޓް ކުރެވޭނީ އެއް ފަހަރު ކަމަށާއި، އެޑިޓްކޮށްފައިވާ ނުވަތަ ޑިލީޓްކޮށްފައިވާ ކޮމެންޓްތައް ބަލައިނުގަންނާނެ ކަމަށް އެ ކުންފުނިން ބުނެ އެވެ. މުބާރާތް ނިމޭއިރު އެންމެ ގިނަ ޕޮއިންޓް ހޯދާ ފަރާތްތަކުގެ މެދުގައި އެއްވަރުވެއްޖެނަމަ، ނަސީބުވެރިޔާ ހޮވާނީ ގުރުއަތުންނެވެ.

މީގެ އިތުރުން، މި ޕްރޮމޯޝަންގެ ދަށުން ލެނޯވޯ ބްރޭންޑުގެ ހޮވާލެވޭ ލެޕްޓޮޕްތަކާއި އެކްސެސަރީޒްތަކުން ހާއްސަ އަގުތަކެއް ވަނީ ކަނޑައަޅާފަ އެވެ. ސިމްޑީ ޓެކް ޝޯރޫމަށް ޒިޔާރަތްކޮށްގެން ލެނޯވޯގެ އެންމެ ފަހުގެ އުފެއްދުންތައް ބަލާލުމުގެ ފުރުސަތާއި، ތަޖުރިބާކާރުންގެ އިރުޝާދާއެކު މުދާ ގަތުމުގެ ފުރުސަތު ކަސްޓަމަރުންނަށް ވަނީ ހުޅުވާލާފަ އެވެ. މި ޕްރޮމޯޝަނަކީ ކިޔަވާ ކުދިންނާއި، އޮފީސް މަސައްކަތް ކުރާ ފަރާތްތަކުގެ އިތުރުން ގޭމް ކުޅޭ ފަރާތްތަކަށްވެސް ބޭނުންވާ ފެންވަރު ރަނގަޅު އުފެއްދުންތައް ހެޔޮ އަގުގައި ހޯދުމަށް ލިބޭ ރަނގަޅު ފުރުސަތެކެވެ.

ސިމްޑީ ޓެކަކީ ރާއްޖޭގައި ފުޅާދާއިރާއެއްގައި ޓެކްނޮލޮޖީގެ ސާމާނު ފޯރުކޮށްދޭ ކުންފުންޏެއްގެ އިތުރުން، ކެނަން، ގޮޑޮކްސް، ލެނޯވޯ، މައިލްސްޓޯން އަދި ޖޭބީއެލް ފަދަ ދުނިޔޭގެ މަޝްހޫރު ބްރޭންޑްތަކުގެ ރާއްޖޭގެ އޮތޮރައިޒްޑް ޑިސްޓްރިބިއުޓަރެވެ. ދެ ޝޯރޫމާއި ސަރވިސް ސެންޓަރެއްގެ އެހީގައި ވޭތުވެދިޔަ 20 އަހަރަށްވުރެ ގިނަ ދުވަހު ސިމްޑީ ޓެކުން ދަނީ ރާއްޖޭގެ ސަރުކާރުގެ އިދާރާތަކަށާއި، ފަތުރުވެރިކަމުގެ ދާއިރާއަށާއި އާންމު ރައްޔިތުންނަށް ފެންވަރު ރަނގަޅު ހިދުމަތްތަކެއް ފޯރުކޮށްދެމުންނެވެ.