ކ. މާލެ
|
29 ސެޕްޓެންބަރ 2017 | ހުކުރު 16:09
އަސްކަރިއްޔާގެ އަމަލުތަކާ ހެދި އެތައްހާސް ރޮހިންޖާ މުސްލިމުން ވަނީ ގައުމު ދޫކޮށްދާން ޖެހިފައި
އަސްކަރިއްޔާގެ އަމަލުތަކާ ހެދި އެތައްހާސް ރޮހިންޖާ މުސްލިމުން ވަނީ ގައުމު ދޫކޮށްދާން ޖެހިފައި
އަލްޖަޒީރާ
ރޮހިންޖާ މުސްލިމުން
މިޔަންމާގެ އަސްކަރިއްޔާއަށް އިންތިހާއަށް ފާޑުކިޔުން އޮތަސް އޮސްޓްެރޭލިޔާ އާއި މިޔަންމާގެ އަސްކަރިއްޔާ އާއި ދެމެދު ބާއްވާ އަސްކަރީ ހަރަކާތްތައް ކުރިއަށް ދާނެ
 
މިޔަންމާގެ އަސްކަރިއްޔާ އިން ރޮހިންޖާ މުސްލިމުންނާ ދެކޮޅަށް ހިންގާ ލާއިންސާނީ އަމަލުތަކުގެ ސަބަބުން ވަރަށް ބޮޑެތި ފާޑުކިޔުންތައް ވަނީ އަމާޒުވެފައި

މިޔަންމާގެ ރޮހިންޖާ މުސްލިމުންނާ ދެކޮޅަށް އެގައުމުގެ އަސްކަރިއްޔާ އިން ހިންގަމުންދާ ލާއިންސާނީ އަމަލުތަކުގެ ސަބަބުން އެގައުމުގެ އަސްކަރިއްޔާއަށް ބައިނަލްއަގްވާމީ ގޮތުން އިންތިހާއަށް ފާޑުކިޔުން އަމާޒުވިނަމަވެސް، އޮސްޓްެރޭލިޔާ އާއި މިޔަންމާގެ އަސްކަރިއްޔާ ގުޅިގެން ކުރިއަށް ގެންދަން ރާވާފައިވާ 300،000 ޑޮލަރުގެ އަގުހުރި އަސްކަރީ ޓްެރެއިނިން ޕްރޮގްރާމް ކުރިއަށް ގެންދާނެ ކަަމަށް ރިޕޯޓުތައް ބުނެފިއެވެ.

އޮސްޓްރޭލިޔާގެ ޑިޕާޓްމަންޓް އޮފް ޑިފެންސް ގެ ތަރުޖަމާނަކު މީޑިއާއަށް ވިދާޅުވީ އޮސްޓްރޭލިޔާ އިން މިޔަންމާގެ އަސްކަރިއްޔާ އާ އެކު މަސައްކަތް ކުރަމުން ދަނީ އެގައުމުގެ އަސްކަރިއްޔާގެ ޕްރޮފިޝަނަލިޒަމް ޕްރޮމޯޓް ކުރުމަށާއި އަދި ބައިނަލްއަގްވާމީ ގާނޫނުތަކަށް ތަބާވުމަށް އެހީވުމަށް ކަމަށެވެ. މިކަންކަން ކުރުމަށްޓަކައި މިޔަންމާގެ އަސްކަރިއްޔާ އާއިއެކު ގުޅުން އޮންނަށް ޖެހޭނެ ކަމަށްވެސް އޮސްޓްރޭލިޔާގެ ޑިޕާޓްމަންޓް އޮފް ޑިފެންސް އިން ބުނެއެވެ. އެފަރާތުން އިތުރަށް ބުނީ މިޔަންމާގެ އަސްކަރިއްޔާ އާ އެކު ގުޅުން އޮތަސް ކުރިއަށް ހުރި  އަސްކަރީ ހަރަކާތްތަކާއި އަދި މިހާރު ކުރިއަށްދާ އަސްކަރީ ހަރަކާތްތައް އަބަދުވެސް ރިވިއު ކުރަމުން ދާނެ ކަމަށެވެ. 

އޯގަސްޓް މަހު ފަހުކޮޅުން ފެށިގެން މިޔަންމާގެ އަސްކަރިއްޔާ އިން ވަނީ މިޔަންމާގެ ރޮހިންޖާ  މުސްލިމުންނާ ދެކޮޅަށް އާ އޮޕަރޭޝަނެއް ފަށާފައެވެ. މިޔަމަންމާގެ މުސްލިމުންނާ ދެކޮޅަށް އެގައުމުގެ ސަރުކާރުން ބާރުދީގެން، އަސްކަރިއްޔާއިން ދަނީ ބާރުގެ ބޭނުންކޮށް، މުސްލިމުން ގެދޮރުން ފައްސާލައި، ބައެއް މީހުން މަރައި، އަދި އަންހެން ކުދިންގެ އިއްފަަތް ފޭރިގަންނަމުންނެވެ. މިޔަންމާގެ އަސްކަރިއްޔާ އިން ފަށާފައިވާ  އޮޕަރޭޝަނާ ބެހޭގޮތުން އދ އިން ބުނެފައި ވަނީ އެއީ "ނަސްލެއް ނައްތާލުމުގެ" އޮޕަރޭޝަނެއް ކަމަށެވެ. އޯގަސްޓް މަހު ފަހުކޮޅުން ފެށިގެން މިޔަންމާގެ އަސްކަރިއްޔާ އިން ހިންގާ ލާއިންސާނީ އަމަލުތަކުން ސަލާމަތްވުމަށް މިހާތަނަށް 500،000 އަށް ވުރެ ގިނަ ރޮހިންޖާ މުސްލިމުން ބަންގްލަދޭޝްއަށް ހިޖުރަކޮށްފައި ވެއެވެ.

މިޔަންމާގައި 1.1 މިލިއަން ރޮހިންޖާ މުސްލިމުން އުޅެއެވެ. ގާތްގަނޑަކަށް އެހުރިހާ ރޮހިންޖާ މުސްލިމުން ދިިރިއުޅެނީ މިޔަންމާގެ ހުޅަނގު އައްސޭރިފަށުގެ ސްޓޭޓެއް ކަމަށްވާ ރަކައިން ސްޓޭޓުގައެވެ.

 

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
100%
0%
0%
ކޮމެންޓް