އެމެރިކާ އާއި އީރާންގެ މަޝްވަރާތައް ހުކުރު ދުވަހު އޮންނާނެ ކަމަށް ސްވިޒަލެންޑުން ބުނެފި

އެމެރިކާ އާއި އީރާންއާ ދެމެދު ކުރިއަށް ގެންދިޔުމަށް ހަމަޖެހިފައިވާ މަޝްވަރާތައް ހުކުރު ދުވަހު ސްވިޒަލެންޑުގައި ބާއްވާނެ ކަމަށް އެ ގައުމުގެ ފޮރިން މިނިސްޓްރީ އިން ކަށަވަރު ކޮށްދީފި އެވެ.

ސްވިޒަލެންޑުގެ މިނިސްޓްރީ އޮފް ފޮރިން އެފެއާޒް އިން ނެރުނު ބަޔާނެއްގައި ބުނެފައި ވަނީ، އެމެރިކާ އާއި އީރާންގެ މަންދޫބުން ބައްދަލު ކުރެއްވުމަށް ހަމަޖެހިފައި ވަނީ ސްވިޒަލެންޑުގެ ފަރުބަދަ މަތީ ރިސޯޓެއް ކަމަށްވާ ބާގަންސްޓޮކްގައި ކަމަށެވެ.

ހުކުރު ދުވަހު ބޭއްވުމަށް ހަމަޖެހިފައިވާ މި ބައްދަލުވުމަކީ ދެ ގައުމުގެ ދެމެދުގައި ވެފައިވާ އެއްބަސްވުން ތަންފީޒު ކުރުމާ ގުޅޭ ގޮތުން ބާއްވާ ފުރަތަމަ މަރުހަލާގެ މަޝްވަރާ ތަކެއް ކަމަށް ވެސް އެ މިނިސްޓްރީ އިން ބުނެފައިވެ އެވެ.

ރޮއިޓާސް ނިއުސް އެޖެންސީ އިން ރިޕޯޓު ކޮށްފައިވާ ގޮތުގައި، މި މަޝްވަރާ ތަކުގައި މެދުވެރިންގެ ގޮތުގައި ޤަތަރާއި ޕާކިސްތާންގެ އިތުރުން މިކަމުގައި ބައިވެރިވާ އެހެން ބައެއް ގައުމު ތަކު ންވެސް ބައިވެރިވާނެ އެވެ. ނަމަވެސް މި ބައްދަލުވުން ކުރިއަށް ދާނެ ތާވަލާއި، މަޝްވަރާ ކުރެވޭނެ ކަންކަމުގެ ތަފުސީލެއް ސްވިޒަލެންޑުގެ ސަރުކާރުން މިހާތަނަށް ހާމަ ކޮށްފައި ނުވެ އެވެ.

މި މަޝްވަރާތައް ބާއްވާނެކަން ސްވިޒަލެންޑުން ކަށަވަރު ކޮށްދީފައި މިވަނީ، ދެ ގައުމުގެ ދެމެދުގައި ސޮއި ކުރެވުނު ފަހުމުނާމާގެ ކަންކަމުގައި އަމަލީ ގޮތުން ބައްދަލު ކުރުމެއް ސްވިޒަލެންޑުގައި ނޯންނާނެ ކަމަށް އީރާން އިން ބުނެފައިވާ ދަނޑިވަޅެއްގައި އެވެ. މި ފަހުމުނާމާގައި އެމެރިކާގެ ރައީސް ޑޮނަލްޑް ޓްރަމްޕް އާއި އީރާނުގެ ރައީސް މަސްއޫދު ޕެޒެޝްކިއާން މިހާރު ވަނީ ސޮއި ކުރައްވައިފަ އެވެ. 

ހުކުރު ދުވަހު ބާއްވާ މި ބައްދަލުވުމަކީ ދެ ގައުމުގެ ގުޅުން ރަނގަޅު ކުރުމަށާއި، އެއްބަސްވުން ތަކަށް އަމަލު ކުރަން ފެށުމަށް އެޅޭ މުހިންމު ފިޔަވަޅެއްގެ ގޮތުގައި މަސްރަހު ދިރާސާ ކުރާ ފަރާތް ތަކުން ދެކެ އެވެ. ސްވިޒަލެންޑުގެ ބާގަންސްޓޮކްގައި ބާއްވާ މި މަޝްވަރާ ތަކަށް މުޅި ދުނިޔޭގެ ސަމާލުކަން މިހާރު ވަނީ ހުއްޓިފައި އެވެ.