ޖަލުތަކުގެ ސެކިއުރިޓީ ވަރުގަދަކުރުމަށް މާފުށީ ޖަލުގައި ބެގެޖް ސްކްރީނިންގ މެޝިނެއް ބޭނުންކުރަން ފަށައިފި
16 ޖޫން 2026 | އަންގާރަ 03:55މާފުށީ ޖަލުގެ ސަލާމަތީ ކަންކަން ހަރުދަނާކުރުމަށްޓަކައި އެމްއޭސީއެލްއިން ހަދިޔާކުރި ބެގެޖް ސްކްރީނިންގ މެޝިން، ހޯމް މިނިސްޓަރު ޢަލީ އިޙްސާން އިފްތިތާޙުކޮށްދެއްވައިފި. މިއީ ޖަލަށް ވައްދާ ތަކެތި ފާސްކުރުމަށް އެ ރަށު ޖަލުގައި ބެހެއްޓި މިފަދަ ފުރަތަމަ މެޝިން. މި މެޝިން ބޭނުންކޮށްގެން ޤައިދީންނަށް ޢާއިލާތަކުން ފޮނުވާ ތަކެއްޗާއި ޖަލަށް ޒިޔާރަތްކުރާ ފަރާތްތަކުގެ ތަކެތި ސްކްރީން ކުރަން ފެށުމާއެކު، ޖަލަށް މަނާ ތަކެތި ވެއްދުން ހުއްޓުވުމަށް ބޮޑު އެހީތެރިކަމެއް ލިބިގެންދާނެކަމަށް ބެލެވޭ.
ޖަލުތަކުގެ ސެކިއުރިޓީ ވަރުގަދަކުރުމަށް މާފުށީ ޖަލުގައި ބެގެޖް ސްކްރީނިންގ މެޝިނެއް ބޭނުންކުރަން ފަށައިފި | ކަރެކްޝަންސް
މޯލްޑިވްސް ކަރެކްޝަނަލް ސަރވިސް (އެމްސީއެސް)ގެ މާފުށީ ޖަލުގައި އަލަށް ބަހައްޓާ ބެގެޖް ސްކްރީނިންގ މެޝިން ބޭނުން ކުރަން ފަށައިފިއެވެ.
މި ޚިދުމަތް އިފްތިތާޙު ކޮށްދެއްވާފައިވަނީ މިނިސްޓަރ އޮފް ހޯމްލޭންޑް ސެކިއުރިޓީ، ލޭބަރ އެންޑް ޓެކްނޯލޮޖީ އޮނަރަބަލް ޢަލީ އިޙްސާންއެވެ.
ކަރެކްޝަންސްއިން މައުލޫމާތު ދޭ ގޮތުގައި މޯލްޑިވްސް އެއަރޕޯޓްސް ކޮމްޕެނީ ލިމިޓެޑްއިން ހަދިޔާކޮށްދެއްވި ބެގެޖް ސްކްރީނިންގ މެޝިނަކީ، ޖަލުގެ ސަލާމަތީ ކަންކަން ހަރުދަނާ ކުރުމަށް ބެހެއްޓުނު މެޝިނެކެވެ. އަދި މިއީ މާފުށި ޖަލުގައި ބެހެއްޓުނު މިފަދަ ފުރަތަމަ މެޝިނެވެ.
މި މެޝިން ބޭނުންކުރާގޮތުގެ ތަމްރީން މޯލްޑިވްސް އެއަރޕޯޓްސް ކޮމްޕެނީ ލިމިޓެޑްއިން ފޯރުކޮށްދެއްވާފައިވީއިރު، ބެގެޖް ސްކްރީންކުރުމަށް ބޭނުންވާ ޚާއްސަ ތަމްރީން، މޯލްޑިވްސް ކަސްޓަމްސް ސަރވިސްއިން ވަނީ ފޯރުކޮށްދެއްވާފައެވެ.
މީގެ އިތުރުން، މި މެޝިން މެދުވެރިކޮށް ޤައިދީންނާއި ބަންދުމީހުން ޖަލަށް އަލަށް އަންނަ އިރު ގެންނަ ތަކެއްޗާއި، އެފަރާތްތަކަށް ޢާއިލާއިން ފޮނުވާ ތަކެތި އަދި ޢާއިލީ އާއި އެކަހެރި ބައްދަލުވުންތަކަށް ޖަލަށް ޒިޔާރަތްކުރައްވާ ފަރާތްތަކުގެ ތަކެތިވެސް ސްކްރީން ކުރެވިގެންދާނެކަން ކަރެކްޝަންސްއިން ވަނީ ފާހަގަކޮށްފައެވެ.
