"ދަ ގެސްޓް"ގެ އައު ޝޯވްރޫމެއް ހުޅުމާލޭގައި ހުޅުވައިފި

މަޝްހޫރު "ދަ ގެސްޓް"ގެ އައު ޝޯވްރޫމެއް ހުޅުމާލޭގައި ހުޅުވައިފި އެވެ.

މިފިހާރަ ހުޅުވީ ބުރާސްފަތި ދުވަހު މެންދުރު ބޭއްވި ކުޑަ ރަސްމިއްޔާތެއްގައެވެ. އެގޮތުން އެކުންފުނީގެ އިސްވެރިންނާއި މުވައްޒަފުން ބައިވެރިވިއެވެ.

ދަ ގެސްޓަކީ ގެސްޓް ހައުސް، ސަފާރީ، ރިސޯޓް އަދި ހޮޓެލްތަކަށް ބޭނުންވާ ހައި ކުއަލީ ޕްރޮޑަކްޓްސް ވިއްކަމުންދާ ފިހާރައެކެވެ. އެގޮތުން ބާތް ލިނެން، ބެޑް ލިނެން، ގްލާސް ވެއަރ، ކަޓްލަރީ، އެމެނިޓީސް އަދި ސްޕާ އައިޓަމް ހިމެނެއެވެ.

މިއީ އެއް ތަނަކުން ފެންވަރު ރަނގަޅު ޕްރޮޑަކްޓްސްތައް ލިބެން ހުރި އެއް ފިހާރައެވެ.

އެގޮތުން ދަ ގެސްޓްގެ ފިހާރައެއް ހުޅުމާލޭގައި ހުޅުވުމުގެ އެންމެ ބޮޑު ބޭނުމަކީ، ހުޅުމާލެއަކީ ގެސްޓް ހައުސްގެ ވިޔަފާރި ފުޅާވަމުން އަންނަ ތަނެއް ކަމުން މިފަދަ ފެންވަރު ރަނގަޅު އުފެއްދުންތައް އެއްތަނަކުން ލިބުމުގެ މަގު ފަހިކޮށްދިނުމަށް ކަމަށް ދަ ގެސްޓުން މައުލޫމާތު ދިނެއެވެ.

އަދި ދަ ގެސްޓަކީ އަމިއްލަ ގޭގެއަށް ބޭނުންވާ ތަގާތު ގިނަ ކުއަލިޓީ އުފެއްދުންތައް ލިބެން ހުރި ފިހާރައެކެވެ.

ޖާގައިގެ ގޮތުން ތަނަވަސް ބޮޑު މި ފިހާރަ ހުޅުމާލޭގައި، ހުންނާނީ ފްލެޓް 125 ކުރިމަތީގައެވެ. މިއީ ދަ ގެސްޓްގެ މާލޭގައި ހުރި ފިހާރައިގެ އިތުރުން ހުޅުވި ދެވަނަ ފިހާރައެވެ.