ހޮރްމޫޒް ކަނޑު އޮޅި ހުޅުވާލުމުން ޗައިނާގެ ރައީސް ހުންނެވީ އުފާވެފައި: ޓްރަމްޕް

އެމެރިކާ އާއި އިޒްރޭލް އިން އީރާންއާ ދެކޮޅަށް ފެށި ހަނގުރާމައިގެ ސަބަބުން ހޮރްމޫޒް ކަނޑު އޮޅި ބަންދު ކޮށްފައި އޮތުމަށް ފަހު، އަލުން ހޮރްމޫޒް ކަނޑު އޮޅި ހުޅުވާލުމުން ޗައިނާގެ ރައީސް ޝީ ޖިންޕިންގް ހުންނެވީ ވަރަށް އުފާވެފައި ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

ޓްރުތު ސޯޝަލް މީޑިއާގައި ކުރެއްވި ޕޯސްޓެއްގައި ޓްރަމްޕް ވިދާޅުވީ، ހޮރްމޫޒް ކަނޑު އޮޅި މިހާރު ހުޅުވިފައިވާ ކަމަށާއި، އެކަމާ ޗައިނާގެ ރައީސް އުފާ ކުރައްވާ ކަަމަށެވެ. ހޮރްމޫޒް ކަނޑު އޮޅި އަކީ ބައިނަލްއަޤުވާމީ ވިޔަފާރިގައި މުހިންމު ދައުރެއް އަދާ ކުރާ ތަނެއް ކަަމަށާއި، އެ ކަނޑު އޮޅި ހުޅުވިފައި އޮތުމަކީ ޗައިނާ އަށް ވެސް މުހިންމު ކަމެއް ކަމަށެވެ. 

ޗައިނާ އަށް ކުރައްވާ ދަތުރުފުޅާ ބެހޭ ގޮތުން ވާހަކަ ދައްކަވަމުން ޓްރަމްޕް ވިދާޅުވީ، ޗައިނާގެ ރައީސްއާ ބައްދަލު ކުރެއްވުމަކީ ވަރަށް ޚާއްސަ ބައްދަލުވުމަކަށް ވެގެންދާނެ ކަމަށާއި، އަދި އެއީ ތާރީޚީ ބައްދަލުވުމަކަށް ވެސް ވާނެ ކަަމަށެވެ. އެއާ އެކު ޓްރަމްޕް ވިދާޅުވީ، ޗައިނާގެ ރައީސްއާ ބައްދަލު ކުރައްވަން އޭނާ ހުންނެވީ ވަރަށް އިންތިޒާރުގައި ކަމަށެވެ. 

ޓްރަމްޕް އިތުރަށް ވިދާޅުވީ ޗައިނާގެ ރައީސްއާ އެކު ހުންނެވުމަށް އޭނާ ވަރަށް ބޮޑަށް ތަކުރާރު ކުރައްވާ ކަަމަށާއި، އެ ބައްދަލުވުމުގައި ވަރަށް ގިނަ ކަންކަން ހާސިލު ކުރެވޭނެ ކަަމަށެވެ. އެެމެރިކާ އާއި ޗައިނާއާ ދެމެދު ވިޔަފާރީގެ ދާއިރާ އިން ފެށިގެން، އެކި މައްސަލަ ތަކުގައި މަޝްވަރާ ކުރެވޭނެ ކަަމަށް ވެސް ބެލެވެ އެވެ. 

އެމެރިކާ އާއި ޗައިނާ އަކީ ދުނިޔޭގެ އެންމެ ބާރުގަދަ ދެ އިޤްތިޞާދެވެ. މި ދެ ޤައުމުގެ ދެ މެދުގައި ވިޔަފާރޫގެ ދާއިރާ އިން ގުޅުން ބަދަހި ކުރުމަކީ ދުނިޔޭގެ އިޤްތިޞާދަށް ވެސް ފައިދާ ހުރި ކަމެއް ކަމަށް މާހިރުން ދެކެ އެވެ.