ފީއަލީ ބަނދަރުގައި އޮތް ތެޔޮ ބޯޓެއްގައި ރޯވެ ނުރައްކާތެރި އަލިފާނުގެ ހާދިސާ އެއް
9 އެޕްރީލު 2026 | ބުރާސްފަތި 04:44ރާއްޖެ އެމްވީ އަށް މައުލޫމާތު ލިބިފައިވާ ގޮތުގައި އަލިފާން ރޯވި ތެޔޮ ބޯޓުގައި އެތައް ބައިވަރު ތެޔު ފީފާ ތަކެއް ހުރި. އެ ބޯޓުގައި އަލިފާން ރޯވެ، ކައިރީގައި އޮތް ތިން ދޯންޏެއްގައި ވެސް ވަނީ އަލިފާން ރޯވެފައި.
ފީއަލީގެ ތެޔޮ ބޯޓެއްގައި އަލިފާން ރޯވެ އަނދަނީ | ރާއްޖެއެމްވީ
ފ.ފީއަލީ ބަނދަރުގައި އޮތް ތެޔޮ ބޯޓެއްގައި އަލިފާން ރޯވެ، ނުރައްކާތެރި އަލިފާނުގެ ހާދިސާއެއް ހިނގައިފި އެވެ.
ފުލުހުން މީޑިއާ ތަކަށް ފޮނުވި މެސެޖެއްގައި ބުނީ، ބުރާސްފަތި ދުވަހުގެ ހެނދުނު 09:15 ހާއިރު ފީއަލީ ބަނދަރުގައި އޮތް ތެޔޮ ބޯޓެއްގައި އަލިފާން ރޯވި ކަމުގެ މައުލޫމާތު ލިބިފައިވާ ކަމަށެވެ. އަދި އަލިފާން ގަނޑު ނިއްވާލުމުގެ މަސައްކަތް ކުރަމުން އަންނަ ކަމަށް ވެސް ބުނެފައިވެ އެވެ.
ރާއްޖެ އެމްވީ އަށް މައުލޫމާތު ލިބިފައިވާ ގޮތުގައި އަލިފާން ރޯވި ތެޔޮ ބޯޓުގައި އެތައް ބައިވަރު ތެޔު ފީފާ ތަކެއް ހުރި އެވެ. އެ ބޯޓުގައި އަލިފާން ރޯވެ، ކައިރީގައި އޮތް ތިން ދޯންޏެއްގައި ވެސް ވަނީ އަލިފާން ރޯވެފަ އެވެ. އެ ސަރަހައްދު ކައިރީގައި ތެޔޮ ސްޓޭޝަން އަކާއި، ފީއަލީ އައިސްޕްލާންޓު ވެސް ހުރިކަން ފާހަގަކުރެވެ އެވެ.
މި އަލިފާނުގެ ހާދިސާ ހިނގަން މެދުވެރި ސަބަބު ކަމާގުޅުން ހުރި އެއްވެސް އިދާރާއަކުން އަދި ހާމަކޮށްފައިނުވާއިރު، މިހާދިސާ ތަހުގީގު ކުރަމުންދާ ކަމަށް ފުލުހުން ބުނެ އެވެ.
